Kom geniet hierdie pretrit deur die berge in die Long Tom-pas saam met die gewilde Piesangskille. Die Long Tom Toboggan is die langste toboggan-baan in Afrika met ’n indrukwekkende 1,7 kilometer baan. Jy klim op die Long Tom Toboggan-karretjie en woerts met ’n spoed van 45 kilometer per uur deur die pragtige natuur vol veldblomme, oop grasvelde en dennewoude tot by Misty Mountain. Met die wind deur jou hare is hierdie ’n opwindende rit wat jou asem gaan wegslaan. Dit sluit die busrit tot daar, die pretrit op die Toboggan, ’n heerlike middagete saam met Die Piesangskille en ’n spesiale pret-pet met die komplimente van Long Tom Toboggan en Misty Mountain in.

Trek gemaklike klere en tekkies aan, maar onthou dit is yskoud in die berge. Hierdie beloof ’n ongelooflike belewenis vir die jongklomp.