Aktuele Gesprekke

ATKV- Storievuur Met Ricus Nel, Jak de Priester, Boet Pretorius en Innibos feesbestuurder, Andy Lubbe Kom luister na onvertelde staaltjies wat destyds agter die musiekgordyn gebeur het soos onthou deur die legendariese musiekmaker en vervaardiger Boet Pretorius en Andy Lubbe, Innibos feesbestuurder. Die bekende Ricus Nel, self ’n storieverteller van formaat, gaan staaltjies uit sy era vertel. Jak de Priester is die onderhoudvoerder wat lekker met die manne gaan gesels. Die vertellings is nie net interessant en insiggewend  nie, maar gaan jou ook laat kraai van die lag.  Natuurlik gaan daar ook tussendeur musiek gemaak word. GENOT gespel in hoofletters. Moenie dié eenmalige ATKV-Storievuur-produksie by die Boma-kuierteater misloop nie. Produksie Inligting Plek: Die Laevelder Boma-kuierteater op die feesterrein Prys: Ingesluit in jou feesterrein toegangsfooie. Die Laevelder Boma-kuierteater op die feesterrein bied stukkies teater uit die boonste rakke aan. Hier word feesgangers kuier-kuier aan teater en ander kunsvorme blootgestel. Kom geniet kort eenmanvertonings, toneelproduksies en interessante onderhoude. Alle vertonings by die Laevelder Boma-kuierteater is gratis (ingesluit by die hektoegang).

Afrimat Openbare Gespreksreeks saam met Theo Venter Fasiliteerders: Theo Venter, Kabous Meiring en Lourensa Eckard. Kom luister na kenners en neem deel aan Afrimat se aktualiteisgesprekke. Brandpunt-sake rakende die ekonomie, gemeenskap, politiek en die land gaan onder die loep kom. Kom word wys, lug jou mening en gesels saam. Donderdag: ‘n Uitgestelde begroting en lae ekonomiese groei. Hoe nou gemaak? Met Kabous Meiring, Waldo Krugel en Theo Venter. Vrydag: Kan daar sin gemaak word uit Trump en die Regering van Nasionale Eenheid? Met Lourensa Eckard, Roland Henwood, Prince Mashele en Dawie Roodt. Saterdag: Kan ‘n mens glo wat ons lees en kyk? Die era van valsnuus en sosiale media. Met Theo Venter, De Wet Potgieter, Gert van der Westhuizen en Lourensa Eckard. Produksie Inligting Plek: Die Laevelder Boma-kuierteater op die feesterrein Prys: Ingesluit in jou feesterrein toegangsfooie. Die Laevelder Boma-kuierteater op die feesterrein bied stukkies teater uit die boonste rakke aan. Hier word feesgangers kuier-kuier aan teater en ander kunsvorme blootgestel. Kom geniet kort eenmanvertonings, toneelproduksies en interessante onderhoude. Alle vertonings by die Laevelder Boma-kuierteater is gratis (ingesluit by die hektoegang).