’n Boek is vir die siel soos wat ’n slypsteen vir ’n swaard is. Innibos vereer vanjaar geliefde skrywer, Dana Snyman. Hy noem homself ‘n storiesmous, maar is veel meer – hy skryf rubrieke, kortverhale, eenmanvertonings, romans en het selfs sy eie televisiereekds gehad. Dana Snyman is volksbesit en sy skryfwerk is toeganklik vir die breë publiek. ‘n Hele program met Wilhelm van der Walt, Lizanne Barnard, Adam Helberg, Stephanie Baartman en Eugené Wait is rondom sy skryfwerk opgestel en dit is waarmee Innibos wil sê: Dankie, Dana, vir al die genot wat jou skryfwerk die leser oor die jare verskaf het.