2025

Elke jaar, wanneer die Innibos Laeveld Nasionale Kunstefees sy deure oopmaak, kom mense van oraloor om die unieke atmosfeer, musiek en kuns te beleef, want dis nie net ’n fees nie, dis Innibos. En diep, binne die hart van die feesterrein, waar lag eggo en stories tot lewe kom, lê ‘n besonderse juweel: die Laevelder Boma-kuierteater. Hier word teater en geselskap vermeng met ‘n tikkie magie en ‘n groot skeut humor en dit is alles gratis vir feesgangers! Dit is ’n plek waar jy kan lag tot jou maag seer is, waar jy kan luister na verhale wat jou siel roer, en waar jy deel kan wees van gesprekke wat saak maak. Hier is waarna jy kan uitsien: Ek vra ook maar net? Met Wynand van Vollenstee Datum en tyd: Do 3 Jul 13:00; Vr 4 Jul 16:00; Sa 5 Jul 14:00 Wynand van Vollenstee sit met ’n ondeunde glimlag en ’n twinkeling in sy oog. “Ek vra ook maar net,” sê hy, en die gehoor lag al klaar. Wie is “hulle”? Hoekom is daar veiligheidsgordels in vliegtuie? Wie het besluit dat dieretuine ‘n goeie idee is? En belangriker nog – hoekom ry ons karre vinniger as die spoedgrens? Wynand se vertoning is ’n lawwe, maar slim satiriese reis deur die vrae wat ons almal soms pla, met komiese gevolge. Sosiale media ster en magician! Met Wian van den Berg Datum en tyd: Do 3 Jul 15:00; Vr 4 Jul 14:00; Sa 5 Jul 15:00 Wian van den Berg, die internet-sensasie met 25 miljoen volgelinge, die meeste sosiale media volgelinge in die land, kyk jou reg in die oë en hoewel jou oë hóm ook nie verlaat nie, slaan sy kulkunsies jou stom. Hy het al groot name soos die Springbokke en selfs Mr. Beast met sy magic tricks verblind. Nou is dit Innibos se beurt om betower te word. Sy illusies laat jou twee keer kyk, en sy humor maak dat jy in verwondering lag. Hannon (HANNONS) – Beauty for you Met Hannon Bothma en Christine Steynberg Datum en tyd: Do 3 Jul 16:00; Vr 4 Jul 12:00; Sa 5 Jul 13:00 Soms is styl net so belangrik soos ’n goeie grap – en Hannon Bothma en Christine Steynberg weet dit. Hannon, die Glam Guru, neem ’n spieël en wys hoe jy met ’n paar eenvoudige truuks jouself kan transformeer – maar hy doen dit met soveel humor dat jy nie help om te lag nie. Dit is moeilik om objektief na jouself in die spieël te kyk en ander nie te oordeel as haar lipstiffie té pienk of haar hare té rooi is nie. Die Glam Guru ken al die antwoorde wat hare, grimering en velsorg betref. Of jou hare soggens varsgespyker moet lyk of orkaanbestand moet bly teen die aanslae van die lewe, is Hannon die man met die goue hande en die kunstige tong. Hierdie dinamiese duo gee nie net wenke oor grimering en voorkoms nie – hulle bring ’n show wat jou gaan laat skaterlag én skitter. Internet Sensasie Met Mel die Storieverteller Datum en tyd: Do 3 Jul 12:00; Vr 4 Jul 15:00; Sa 5 Jul 16:00 Daar is min mense wat stories so kan vertel soos Mel die Storieverteller. Sy weet hoe om ’n gehoor vasgenael te hou – of dit nou met ’n grap oor katte of ’n skerpsinnige opmerking oor sosiale media is. Sy beskryf die internet as ’n oerwoud vol ywerige flaminke en ontaktlose (sw)ape – en jy kan nie help om jouself daarin te herken nie. Hierdie vertoning beloof lag, insig en dalk ‘n paar danspassies! Kom geniet ’n reis van vars, oorsponklike en vrek snaakse oomblikke. Afrimat Openbare Gespreksreeks saam met Theo Venter Fasiliteerders: Theo Venter, Kabous Meiring en Lourensa Eckard Datum en tyd: Do 3 Jul 11:00; Vr 4 Jul 11:00; Sa 5 Jul 11:00 Nie alles by die Laevelder Boma-Kuierteater gaan net oor lag nie – soms moet ons ook ’n oomblik neem om die wêreld om ons te verstaan. Theo Venter, Kabous Meiring en Lourensa Eckard bring gesoute kundiges saam om die warmste onderwerpe van ons tyd te bespreek. Is daar hoop vir ons ekonomie? Wat gebeur met Trump en ons regering? En hoe kan ons weet of wat ons lees en sien regtig waar is? Kom luister na kenners en neem deel aan Afrimat se aktualiteisgesprekke. Brandpunt-sake rakende die ekonomie, gemeenskap, politiek en die land gaan onder die loep kom. Kom word wys, lug jou mening en gesels saam. Donderdag: ‘n Uitgestelde begroting en lae ekonomiese groei. Hoe nou gemaak? Met Kabous Meiring, Dawie Roodt, Waldo Krugel. Vrydag: Kan daar sin gemaak word uit Trump en die Regering van Nasionale Eenheid? Met Lourensa Eckard, Roland Henwood, Price Mashele en Theo Venter. Saterdag: Kan ‘n mens glo wat ons lees en kyk? Die era van valsnuus en sosiale media. Met Theo Venter, De Wet Boshoff, Pieter du Toit en Lourensa Eckard. ATKV- Storievuur Met Ricus Nel, Boet Pretorius en Innibos feesbestuurder, Andy Lubbe Datum en tyd: Vr 4 Jul 17:00 As jy ooit gewonder het watter stories agter ons gunsteling musiek lê, dan is die ATKV-Storievuur net vir jou. Boet Pretorius, Ricus Nel en Andy Lubbe deel stories van die musiekbedryf soos jy dit nog nooit gehoor het nie – van onvertelde staaltjies tot die onverwagte oomblikke wanneer liedjies gebore word. ’n Bietjie musiek, ’n bietjie nostalgie, en ’n groot klomp humor maak hierdie eenmalige vertoning op 4 Julie om 17:00 ’n moet-sien-produksie! Hier is voorwaar ’n lekker feeservaring soos geen ander! Hierdie jaar se program beloof om een van die beste nóg te wees – en jy is hartlik uitgenooi om saam te kom kuier! Ekstra lekkerness teen géén ekstra koste!

Innibos trek vanjaar ’n splinternuwe, funky baadjie aan om feesgangers nóg meer waarde vir hul geld te gee. Van musiek en kos tot vermaak en verrassings – daar is oral op die feesterrein iets ekstra om jou dag nog lekkerder te maak! Vier verskillende kuierplekke bied boonop gratis lekkerness aan – die kykNET-verhoog, Everest Wealth-verhoog by die Wingerd Kuiertuin, die Arena-verhoog en die Laevelder Boma Kuierteater. Hier wag hope vermaak, topkunstenaars en ’n bederf van musiek, kos en lag op jou – alles sonder ekstra koste! As deel van Innibos se 21ste verjaarsdagviering bly kaartjiepryse dieselfde as verlede jaar! Dit beteken jy kry nog meer waarde vir jou geld, veral as inflasie in gedagte gehou word. Die enigste inflasie wat jy by Innibos gaan beleef, is die inflasie van ekstra lekkerness wat op jou wag! Maak seker jy kry jou kaartjies vroegtydig en kom geniet die grootste fees van die jaar. kykNET Country: Stewel vas en Gereed en maak gereed om jou biscuit te skud!! Maak seker jy is gestewel en gespoor op Saterdag, 5 Julie 2025, vir die eerste kykNET Country-konsert op die feesterrein. Vanaf 16:00 gaan die kykNET-verhoog brul met die klanke van top country-kunstenaars soos Cordelia, Skemer, Franja du Plessis, Ruan Josh en Chris Else. Sit jou cowboyhoed op en kom skud jou biscuit! Kuierverhoë – Bekendes en vars talente! Of jy nou ’n aanhanger van gevestigde kunstenaars is of nuwe stemme wil ontdek, die kuierverhoë is waar dit gebeur! Vars talent wat die land aan die praat het, sluit in: ONS, Fran Prins en Tamlyn Wessels – hulle bring ’n nuwe klank vol energie en siel. Bekendes wat hul slag gaan wys: Prop, Marno van der Merwe, Janie Bay en Jakkie Louw gaan sorg vir tye wat jy nie wil misloop nie. Die Laevelder Boma-kuierteater bied iets vir almal se smaak! Hiér word feesgangers kuier-kuier aan teater en ander kunsvorme blootgestel. Die Laevelder Boma-kuierteater op die feesterrein bied stukkies teater uit die boonste rakke aan.  Kom geniet kort eenmanvertonings, toneelproduksies en interessante onderhoude. Alle vertonings by die Laevelder Boma-kuierteater is gratis (ingesluit by die hektoegang). Feesgangers kan uitsien na bekendes soos  Wynand van Vollenstee, Wian van den Berg, Hannon (HANNONS) – Beauty for you, Mel die Storieverteller, Matie van Graan, ATKV- Storievuur met Ricus Nel, Boet Pretorius en Innibos feesbestuurder, Andy Lubbe en nog ure se lekker saamskater, kuier en gesels. Everest Wealth-verhoog by die Wingerd Kuiertuin – Fynproewer se Paradys! Vir diegene met ’n fyn smaak vir goeie kos en wyn, is die Wingerd Kuiertuin die plek om te wees. Hier gaan jy nie net smul aan die lekkerste disse nie, maar ook waardevolle kookwenke opdoen: Chef Tiaan wys jou hoe om die perfekte kaasbord te pak en hoe om ’n braaibroodjie meesterlik te maak. Marinda Engelbrecht deel haar geheime oor hoe geur, olie en souse jou disse na ’n volgende vlak neem. Geniet die klanke van Bianca Blanc, Damian Beer, Len Muller en plaaslike sterre soos Thapelo Lekoane, Meisie en Wanda Zonke. Dis kos, wyn en musiek van uitstaande gehalte – pure lekkerness. Meer as net musiek – kom lag jou slap! Innibos bring vanjaar nog meer vermaak op die kuierverhoë – musiek is nie al wat jou gaan laat glimlag nie! André die Skreeusnaakse Hipnotiseur – Hou jou dop, eerder Wees bedag, want jy mag dalk net gehipnotiseer word! Hy meng komedie, drama en hipnose vir ’n skaterlag-ervaring sonder gelyke.  Lag jou slap met Bibi – Daai Girl – Elke dag is daar ’n halfuur van pure komiese genot, waar Bibi met haar snaakse karakters en komediesketse die lagspiere gaan prikkel. Of jy nou vir die musiek, kos, wyn, komedie of net die lekker atmosfeer kom – Innibos 2025 bied iets spesiaals vir elke feesganger. Pak jou hoed, trek jou boots aan en kom geniet die lekkerste fees van die jaar!

Die Innibos Laeveld Nasionale Kunstefees is gisteraand, 27 Februarie, by die kykNET Fiëstas toekenningsgeleentheid by die Kirstenbosch Nasionale Botaniese Tuin in Kaapstad, vir die beste buitelugkonsert in die kategorie: Beste Kontemporêre Musiekgedrewe Produksie vir 2024, aangewys. Innibos het twee nominasie gekry wat ook die Musikale Meander ingesluit het. Volgens Sandra Jacobs, Direkteur by die fees, bars hul harte van trots vir die benoeming. “Die span werk baie hard agter die skerms om ‘n topgehalte fees op die been te bring.”  Die Saterdagaand Buitelugkonsert is ‘n hoogtepunt van die fees, saamgestel deur Deedee en Floors Oosthuizen onder leiding van Murray Lubbe en Adelene Niehaus en beligtingsontwerp deur Johan Ferreira. Met ‘n vol orkes, vuurwerke en top kunstenaars soos Karlien van Jaarsveld, Die Piesangskille, Willem Botha, Brendan Peyper, Emo Adams, Swing City en nog meer, was dit ’n skouspel om te aanskou! Die kykNET Fiëstas vereer sedert 2011 jaarliks uitsonderlike prestasies in die uitvoerende kunste wat in die voorafgaande jaar by kunstefeeste te sien was. Volgens Sandra wil sy graag vir kykNET bedank wat erkenning gee vir uitstaande prestasie. “Hartlik geluk aan elkeen wat met ’n Fiësta-toekenning huis toe is.”  Die Fiëstas-paneel het in 2024 sewe kunstefeeste – KKNK, Suidoosterfees, Innibos, Vrystaat Kunstefees, Klein-Karoo Klassique, Momentum Beleggings Aardklop en Toyota Stellenbosch Woordfees – bygewoon om al die debuutproduksies te sien wat op die planke gebring is. Ná ’n breedvoerige stemproses wat deur ouditeure nagegaan is, is die benoemdes in die veertien kategorieë bepaal.  Die Innibos Laeveld Nasionale Kunstefees is al vyf uit die agt keer wat die “Fees van die Jaar” – toekenning bestaan het, met die toekenning bekroon. “Dit is ‘n klinkklare bewys dat Innibos soveel meer as net ‘n musiekfees is, asook dat ons top gehalte produksies, boeke, stalletjies, musiek, kuns en kultuur vir ons feesgangers bied. BESTE KONTEMPORÊRE MUSIEKPRODUKSIE

Innibos is weer hier – en met die LEKKER-konsep wat vir die tweede jaar in werking tree, gaan dit net nóg beter wees! Hierdie LEKKER (en unieke) kuiertafel en bespreekte stoel-uitleg bring jou nader aan die kunstenaars, en jy kan saam met jou beste pelle of familie uitspan (daai vir wie jy lief is en saam met wie jy WIL kuier) uitspan, en saam die beste musiek geniet – sonder die gesukkel van kampstoele rondsleep of te wonder waar om jou drankie te sit. Wil jy in styl kuier? Hier’s hoe: KUIERTAFELS (6 mense per tafel) Spesiale area by die Hoofverhoog  Toegang tot ‘n eksklusiewe kroeg en privaat badkamers Rookvrye sone vir ‘n gemaklike ervaring Pryse per tafel (sluit NIE feesterrein hektoegang in NIE): Donderdag: Uitverkoop Vrydag: Uitverkoop Saterdag: Uitverkoop BESPREEKTE STOELE 4 stoele per ry – dan hoef jy nie jou eie stoel rond te karwy nie!Pryse per stoel (sluit NIE hektoegang in nie): Donderdag: R110 Vrydag: R150 Saterdag: R210 Onthou:Kinders tot en met 12 jaar betaal nie feesterrein toegang nie, maar kinders ouer as 2 jaar benodig ‘n Kuiertafel- of Bespreekte Stoel-kaartjie. Bespreek jou feesterreinkaartjies, kuiertafel of bespreekte stoel op TicketPro vanaf:Tjirp nuusbrieflesers (Early Birders): 26 FebruarieAlle ander feesgangers: 28 Februarie Maak gereed vir dans en onvergeetlike herrinngering as jy SOMS sit! https://youtube.com/shorts/ATPo6PPX2fM?feature=share

Maak reg vir ’n Innibosfees só lekker, selfs jou groottoon gaan ’n sokkie wil gooi! Innibos 2025 is hier om jou te laat bons, skree, skater en saamsing tot jou stembande ingee! Drie aande van pure musiekmagic wag op jou en as jy dit mis, gaan jy jouself vir ewig daaroor byt. Dis aksie, dis energie, en dis net LEKKERNESS! Bring jou pelle, hope gees en jou beste dansskoene – dié een is nie vir flou mense nie! Hierdie jaar is ekstra spesiaal, want ons vier ’n eeu van die Afrikaanse taal en ons hart klop warm vir dié mylpaal! Daarby vier ons Innibos se 21ste verjaarsdag – ons fees is mondig! En asof dit nie genoeg is nie, vereer ons ’n ware ikoon van Afrikaanse musiek: Kurt Darren, vir sy groot impak op die musiekbedryf. Drie massiewe redes om hierdie grootste Innibos nóg saam met ons te kom vier! Lekkerness tot die mag drie! En dis net HIER waar Innibos jou stukkend bederf: ons hou die kaartjiepryse presies dieselfde as verlede jaar. Geen verhogings, geen ekstra sente tel, net LEKKERTE. Wat is ’n fees sonder ’n behoorlike afskop? Die Huisgenoot Afskopkonsert op Donderdag, 3 Julie 2025 is hier om die partytjie aan die gang te sit met ’n moewiese lekke-lineup. Van die hoogtepunte sluit in: Appel, Chris Steyn, Droomsindroom, Eloff, Francois van Coke, Jay, Karlien van Jaarsveld en Lianie May – en saam daarmee, dalk ’n verrassing of twee. Die energieke Hamilton Wessels sal as seremoniemeester die skare aanhits en verseker dat die aand ’n onvergeetlike een is. Hierdie konsert begin om 18:00 en word geborg deur Huisgenoot. Toegang beloop R210 per persoon. Maak jou keel nat, want die partytjiekoors begin HÍÉR! Daar’s net een manier om Vrydag, 4 Julie, reg te begin. En dis met die Jacaranda FM Konsert waar ’n solid klomp musieksterre die verhoog aan die brand gaan sing! Hoogtepunte sluit in: Bernice West, Bok van Blerk, Danny Smoke, Die Heuwels Fantasties, Martin Bester, Robbie Wessels en Ruhan du Toit. Hierdie sangers saam met so ’n paar ander, gaan sorg vir ’n musikale ervaring soos min. Hierdie konsert, wat om 18:00 begin, word geborg deur Jacaranda FM en toegang kos R260. Dis ’n Vrydag wat gaan hoog vlieg, so reageer op jou FOMO en kom! As jy nog voete oor het na Donderdag en Vrydag (respek!), is die kykNET Konsert op Saterdag, 5 Julie 2025 hier om jou finaal van jou voete af te laat dans! Corlea Botha, Demi Lee Moore, Die Piesangskille, Early B, Elvis Blue, Jo Black, Kurt Darren, Refentse, Ricus Nel, Snotkop, Van Pletzen en Zaan Sonnekus bring hul ongekende talent na die verhoog. Hier kan jy ook dalk nog ’n verrassing of twee verwag ter viering van Innibos se 21ste verjaarsdag! En omdat ons weet dat kultuur nie net in ons musiek lê nie, maar ook in die groen en goud, sê ons dankie aan kykNet wat dit moontlik maak dat die Springbokke se wedstryd teen Italië regstreeks op die groot skerm van die hoofverhoog uitgesaai gaan word!  Kom skree jou longe uit, vier elke drie, en spring direk daarna weer in jou dansskoene in – want hier by Innibos vier ons AL die lekker goed in die lewe! Na afloop van die rugby begin die konsert om 19:00. Toegang beloop R310. Dis ’n Saturday Night Fever soos nog nooit tevore nie! Dis ’n steel vir soveel LEKKERNESS! Wenk: Kry eerder ’n weekkaartjie vir slegs R660. Seniors bo 60 betaal slegs R160 per dag – vir enige dag, terwyl kinders onder 12 heeltemal gratis toegang kry. Parkering kos R200 per dag, en as jy in ’n groep van meer as 21 mense bespreek (ja, want ons word 21) kry julle gratis busparkering! Wil jy ’n VIP wees en op ’n spesiale plek sit vir hierdie spesiale okkasie? Geen probleem! Hierdie jaar bring ons ’n heel nuwe uitleg vir die fees! Die kuiertafels en bespreekte sitplekke is reg teen die verhoog se ramp af – ’n eerste vir Innibos!  Jy gaan dus nader aan die aksie wees as ooit tevore. Kuiertafels vir ses mense is beskikbaar teen R660 op Donderdag, R960 op Vrydag en R1 260 op Saterdag – dit sluit egter nie hektoegang in nie. As jy ’n bespreekte sitplek verkies, is dit R110 vir Donderdag, R150 vir Vrydag en R210 vir Saterdag. Kaartjies te koop vanaf 28 Februarie op Ticketpro! Tjirp nuusbrief lesers geniet Early Bird aanbiedinge om al vanaf 26 Februarie feeskaartjies en kuiertafels te koop. Nog nie ’n Tjirplid nie? Teken in op ons webtuiste om vir vooraf kaartjies te kan koop. Moenie slaap nie – hierdie een gaan vinnig uitverkoop!  Dis meer as net ’n fees – dis ’n belewenis. Bring jou pelle, pak jou feesgees en wees net lekke. En as dít nie waarde vir geld is nie, weet ons nie wat is nie! Innibos 2025: Waar lekkerness ’n nuwe betekenis kry!

Hier’s ’n kans vir jou skool om R10,000 te wen! Ons nooi alle skole uit om deel te neem aan ons spesiale skoolkreet-kompetisie ter viering van Kurt Darren. (Innibos vereer vanjaar hierdie kunstenaar vir sy groot bydrae  tot Afrikaanse kontemporêre musiek). Dit is tyd om die gees hoog te hou en die lekkerste vibes na vore te bring! Wat moet julle doen? Kry ’n groep, of die hele skool – onderwysers, leerders en personeel – en neem ’n video waar julle in die saal of op die pawiljoen sing en dans op HOP HOP SPINNEKOP of enige ander Kurt Darren-treffer. Hoe groter die gees, hoe beter julle kans om te wen! Reëls en Reëlings vir die Kompetisie: Maak seker julle video sluit die volgende in: Die woorde: Innibos 3 tot 6 Julie in Nelspruit. LEKKERRRRRRRRRRRR! (dit moet verkieslik verbaal oorgedra word op ’n kreatiewe manier) ’n Baie duidelike vertoning van almal wat deelneem – hoe meer, hoe beter! Die video moet in portrait formaat geneem word (met foon regop gehou) Stuur asseblief jou inskrywingsvorm na naranda@innibos.co.za en plaas jul video op julle sosiale media platforms.  Collab asseblief met Innibos sodat ons kan seker maak dit is op jul skool en Innibos se blad. Klik hier om te sien hoe om te Collab Alle video’s moet voor 30 Maart op sosiale media wees, en jou inskrywing moet ook teen dié datum ingedien wees om vir die prys in aanmerking te kom. Ons gaan ’n publieke stem hou vanaf 30 Maart tot 7 April, waarna Innibos met ’n onafhanklike paneel die finale stem sal doen en die wenners sal aankondig. Wenners word op 11 April op ons sosiale media platforms en in die media aangekondig. So, bring julle skool se grootste gees en dalk is julle die gelukkige wenners van hierdie LEKKER prys! Dié wat Innibos al vantevore beleef het, weet dat dit ’n fees is wat telkens verras, en 2025 gaan beslis geen uitsondering wees nie. Maak seker jy mis dit nie: Innibos vind vanaf 3 tot 6 Julie plaas. Ons is besig om ’n nuwe hoofstuk te skryf – en jy is deel van die storie! Skoolkreet Kompetisie: Wen Groot met Kurt Darren! Skool Naam/School Name Provinsie/Province MpumalangaGautengLimpopoNoordwesWes-KaapNoord-KaapOos-KaapKwaZulu-NatalVrystaat Dorp/Town Orgiseerder Naam en Van/Organizer Name and Surname Kontaknommer/ Contact Number E-pos/Email Video voor of op 3 Maart 2025 op jul sosiale media geplaas en ge-“collab” met Innibos? BELANGRIK: Stuur ook video apart na naranda@innibos.co.za VIR NAVRAE, skakel Naranda by 072 447 5968 Klik hier om te sien hoe om te Collab

Dieselfde lekker feesresep – net nóg lekkerder! Daar is groot opgewondenheid hier by Innibos, want ons beplan  sommer  heelwat opwindende veranderinge en nuwighede vir vanjaar se fees!  Met ons gedugte span aan stuur van sake, Andy Lubbe, Sandra Jacobs, Philna Scholtz, Adelene Niehaus, Pippa Botha, Alison Linde, en ons jongste nuwe lid, Naranda Leeuwner, werk ons hard daaraan om te verseker  dat vanjaar se Innibos jou voete onder jou gaan uitslaan! Innibos was nog altyd meer as net ’n musiekfees – dit is ‘n ervaring, ’n bymekaarkomplek van mense met ’n liefde vir musiek,  kos, kuns, lees, toneel en die onmiskenbare samesyn wat die fees so uniek maak. Met ’n splinternuwe uitleg vir die stalletjie-area en verhoogruimtes, ’n meer interaktiewe hoofverhoog met meer kuiertafels, veldlosies en bespreekte stoele tot teenaan die aksie, en opwindende aanbiedings regoor die feesterrein, is hierdie Innibos soos jy dit nog nooit beleef het nie. Voeg hierby van die land se top kunstenaars, en jy kan seker wees: daar wag lekkerness in oortreffende trap vir jou. Dié wat Innibos al vantevore beleef het, weet dat dit ’n fees is wat telkens verras, en 2025 gaan beslis geen uitsondering wees nie.  Die fees vind vanaf 3 tot 6 Julie in Nelspruit plaas. Tjirp-lede kan reeds op 26 Februarie kaartjies vir die feesdterrein, kuiertafels en bespreekte sitplekke koop. As jy nog nie ’n Tjirper is njie, klik hier om nou in te teken en al die Innibos nuus eerste te ontvang.

Innibos 2025: Lekkerder as LEKKER! As jy al gewonder het hoe dit voel om in ’n kultuurbom te staan wat op die punt is om te ontplof van LEKKERNESS, dan is Innibos 2025 nét die fees vir jou! Hierdie jaar bring ons ’n fees so dik met vermaak, gees en geurige kos, jy gaan dink jy’t ’n eersteklaskaartjie na ’n wêreldvertoning gewen. Nou, luister mooi: Gooi daai kleingeld in ’n spaarblik en begin planne maak, want voor jy kan sê Innibos, het jy genoeg ching-ching vir die fees van die jaar! Kaartjieverkope vir die Innibos feesterrein, kuiertafels en bespreekte sitplekke open 28 Februarie vir die publiek en reeds op 26 Februarie vir Tjirp lede! Begin vroeg bespreek – daai kuiertafels loop soos stroop!  Kyk, as jy dink Innibos is net ’n musiekfees, is jy dalk eenkeer in jou lewe verkeerd. Innibos IS die volronde feeservaring – die Full House van kuierplekke, die rrrrrr in LEKKERRRR, met ’n paar troefkaarte in die mou. By die Hoërskool Bergvlam-feesterrein kry jy nie net wêreldklas kunstenaars soos Francois van Coke, Kurt, Droomsindroom, Appel, die Piesangskille, Snotkop, Van Pletzen en nog vele meer op die hoofverhoog nie, jy kry sommer ’n Boma Kuierteater om by uit te hang vir stukkies teater, ’n Woelwaters kindervermaak-area en vir die wynliefhebbers – ja, ons sien vir julle – ’n Wingerd Kuiertuin waar jy jou glasie kan klink en die laaste bietjie stres uit jou skouers kan skud.  Ons spog ook met van die beste stalletjies in die land, sodat jy daardie ekstra unieke item kan koop wat jy beslis nodig het (al weet jy nog nie waarvan ek praat nie). Plus, drie kuierverhoë  met musiek, vermaak, verrassings en ’n atmosfeer wat só dik is van gees, jy gaan dit huis toe moet vat in botteltjies. Al hierdie vermaak is by jou feesterreintoegangsfooi ingesluit! Maak reg vir die grootste, LEKKERste en mees onvergeetlike Innibos nóg!  Ons sien jou daar!

Die kykNET Fiëstas vereer sedert 2011 jaarliks uitsonderlike prestasies in die uitvoerende kunste wat in die voorafgaande jaar by kunstefeeste te sien was. Innibos is trots om aan te kondig dat dié fees al vyf keer “Fees van die Jaar” by dié toekenningsgeleentheid gewen het. Die Fiëstas-paneel het in 2024 sewe kunstefeeste – KKNK, Suidoosterfees, Innibos, Vrystaat Kunstefees, Klein-Karoo Klassique, Momentum Beleggings Aardklop en Toyota Stellenbosch Woordfees – bygewoon om al die debuutproduksies te sien wat op die planke gebring is. Ná ’n breedvoerige stemproses wat deur ouditeure nagegaan is, is die benoemdes in die veertien kategorieë bepaal.  Innibos is in twee kategorië by die  kykNET Fiëstas vir die feesjaar van 2024 benoem: BESTE KONTEMPORÊRE MUSIEKPRODUKSIE Die Saterdagaand Legendes-konsert is ‘n hoogtepunt van die fees, saamgestel deur Deedee en Floors Oosthuizen onder leiding van Murray Lubbe. Met ‘n vol orkes, vuurwerke en top kunstenaars soos Karlien van Jaarsveld, Willem Botha, Brendan Peyper, Emo Adams, Swing City en nog meer, was dit ’n skouspel om te onthou! Die Musikale Meander was ’n unieke ervaring in die pragtige Sudwala-grotte met kunstenaars soos Zanta Hofmeyr, Stéfan Louw, Amira Willighagen en Charl du Plessis. Volgens Sandra Jacobs, Direkteur by Innibos, wil sy graag vir almal hartlik gelukwens vir elke benoeming in die verskeie kategorië. “Dis voorwaar ‘n groot prestasie en maak ons trots.”   Vanjaar se Fiëstas-toekenningsgeleentheid is op 27 Februarie by die Kirstenbosch Nasionale Botaniese Tuin in Kaapstad waar die wenners aangekondig gaan word.