2025

Kom ons help die kunste deur die mense in die kunstebedryf te help! Die Teater Bystand Fonds bestaan sedert 1962 en help en bedien as gratis hulpfonds en bedien ELKE  beroep in die Uitvoerende Kunste in Suid Afrika: Radio, TV, Teater, Rolprentbedryf sowel as ander “lewendige optredes” – van die skoonmaak personeel, sekuriteit, administratief, logistiek , tegnies, verskaffers tot die kreatiewe personeel. Dit beslaan sowat 6.5 miljoen mense. Die TBF is ʼn geregistreerde Openbare Welwillendheid Organisasie met 18A belasting aftrekking. Die TBF se bestuur werk almal gratis; sonder enige maatskappy kantore, toerusting of uitgawes – en alle fondse wat geskenk word, gaan direk aan verdienstelike begunstigdes wat te oud of te siek is om te werk. Die TBF bestaan slegs uit donasies van die publiek en ontvang geen regerings of korporatiewe fondse nie. Die TBF se finansiële state is ten volle beskikbaar en die organisasie word jaarliks geoudit deur SARS, die Wet op Welwillendheidsorganisasies en onafhanklike ouditeurs. Besoek gerus ons webwerf by: tbfsa.co.za vir volledige inligting.  Jou bydrae is die applous wat lewens red.

Meesters: 100 Jaar van Pinotage en Afrikaans – ‘n Viering van Taal, Kultuur en Uitmuntende Wyne NELSPRUIT – Die Pinotage Assosiasie, in samewerking met Toyota Innibos en Komati Group Holdings (Pty) Ltd., nooi feesgangers hartlik uit na ‘n uitsonderlike kultuur- en wyngeleentheid: Meesters: 100 Jaar van Pinotage en Afrikaans. Dít word aangebied deur die bekende name van Christo Snyman, Johan Rademan en wynmaker Beyers Truter en beloof om ‘n feestelike huldeblyk te wees aan twee unieke Suid-Afrikaanse erfenisse: Pinotage en Afrikaans. Volgens Philna Scholz, programbestuurder, vind die vertoning op 15 Julie om 14:00 plaas in die Koshuis-eetsaal van Hoërskool Nelspruit, waar stories, musiek, geskiedenis én ‘n keur van uitsonderlike Pinotage-wyne die verhoog sal deel. Die wyne wat tydens die vertoning geproe gaan word, sluit drie wyne van Stellenbosch in, Beyerskloof Chenin Blanc Pinotage (witwyn), Beyerskloof Pinotage (rooiwyn) en Beyerskloof Kriekbult Pinotage (rooiwyn). Vanuit die Botrivier omgewing kan fynproewers die Wildekrans Pinotage (rooiwyn) geniet en vanuit Robertson/Bonnievale area die  Christina 9 Barrels Pinotage Trousseau (rooiwyn). ’n Ander hoogtepunt sal die Survivor Pinotage (rooiwyn) vanuit die Swartland wees. Hierdie eksklusiewe proesessie bring die beste van Suid-Afrika se wynstreke byeen. Dit is ‘n unieke geleentheid vir wynliefhebbers om die diversiteit van Pinotage, van lig en vars tot vol en kompleks, eerstehands te ervaar. Johan Rademan, bekend vir sy stem en stories op RSG, sal die aand help lei saam met wynlegende Beyers Truter, wat as pionier van moderne Pinotage bekendstaan. Christo Snyman bring sy kitaar en Afrikaanse liedjies om hulde te bring aan Afrikaans se ryk literêre en musikale geskiedenis, met bekende name soos Koos du Plessis en David Kramer in die kollig. Hierdie is meer as net ’n wynproe. Dit is ‘n viering van erfenis, taal, kultuur en storievertelling, met elke glas wyn wat ‘n nuwe verhaal oopmaak. Kaartjies is beskikbaar op innibos.co.za of ticketpro. Beperkte sitplekke is beskikbaar. Moenie hierdie unieke viering misloop nie! Media navrae: naranda@innibos.co.za

’n Skouspel van stories, snare en skaterlag by Toyota Innibos Toyota Innibos maak die komende winter warmer én LEKKERDER met ‘n kleurvolle kunstefees in die hartjie van Mbombela. ‘n Propvol program van vermaak gaan jou laat lag, dink, huil en dans. Van komedie en musiek tot leefstyl en drama, daar is iets vir elke siel.  Komedie en Debute: Skreeusnaaks, skerp en splinternuut As jy dink jy het al alles gesien, wag net tot jy die komedies en debute van vanjaar beleef! Debute: Kry vir jou ‘n Tux, Thomas (komedie) bring groot name soos Dean-John Smith en Marion Holm na die verhoog. Tessa Slabbert weier om haar eksman se sogenaamde “toekenning” te aanvaar as ’n afskeidsgroet wat lei tot ’n onwaarskynlike ooreenkoms vol emosie, lag en konfrontasie.  Geagte Kampeerders (komedie) geskryf en aangebied deur Wynand van Vollenstee, met Thiart Li aan sy sy. ‘n Opsigter, eienaar en bestuurder van Willewaters Kampeerterrein verwelkom elke Desember die Transvalers met ope arms, tot ’n rampspoedige wending alles op hol jaag. Seun: In hierdie aangrypende toneelstuk neem Dana Snyman ons saam op ’n reis deur die 1980’s, ’n dekade van politieke chaos, identiteitskrisisse en hartverskeurende selfontdekking.  Meesters: 100 jaar van Pinotage en Afrikaans kan feesgangers  ‘n unieke viering van Afrikaans en Pinotage beleef waar Beyers Truter, Johan Rademan en Christo Snyman jou deur ’n eeu van wyn, woord en musiek neem.  Trou (komedie) word aangebied deur die Komediant Mel die Storieverteller en sangeres Corlea Botha wat hul sprankelende gees, humor en musiek na ’n vertoning bring wat troues op hul skreeusnaakste en roerendste ontbloot. Opera-Tango is ’n elegante musikale reis wat begin met die Nocoré Ensemble en oorvloei in ’n passievolle uitvoering deur Zanne Stapelberg en Albie van Schalkwyk, waar opera en tango saamvloei in klank, gevoel en meesterlike vertolking. En dan is daar natuurlik nóg meesters van humor – die kunstenaars wat elke jaar weer wys hoekom hulle koning van die verhoog is.  Ander komedies sluit in: Ouma is op pad, wat vertolk word deur Margit Meyer-Rödenbeck. Dowwe Dolla se Ouma het eintlik saam met Dolla afgetree einde 2021. Maar nou wil almal weet wie was daai tannie wat so aanstoot kon gee? Hierdie stuk is ’n reis vol hart, wysheid en die soort wyshede wat net ’n ouma kan kwytraak. Moord met ’n T het drie legendes: Tobie Cronjé, Ignatius van Heerden en André Lotter, wat die verhoog aan die brand speel. Moord. Misdadigers. Manewales. En ‘n T… vir Teater! “Moord met ’n T” is nie net ’n raaisel nie — dis ’n skreeusnaakse raaisel! Wanneer die ryk Bakkies Barnard in sy popmooi kêrel se bed vrek en sy jaloerse vrou Cruella dadelik opdaag met erfporsie-planne, weet ons: iets klink skelm… en dit’s nie net haar vals simpatie nie. Marion Monroe is ’n eerlike en heerlike komedie waarin Marion Holm met humor en styl vra: wat maak jou, jy? Vlerksleep is ’n lekker-lag komedie oor die chao van blinde afsprake, met ’n sterbelaaide rolverdeling en ’n vars kyk op liefdesvermaak met Bertha le Roux-Wahl, David James, Elma Potgieter, Richard van der Westhuizen. So, van Woensdag 2 Julie tot Saterdag 5 Julie, is dit tyd om uit jou daaglikse roetine te breek en in ’n wêreld van kreatiwiteit in te stap. Die fees bied iets vir elke ouderdom en belangstelling, of jy nou ’n teaterliefhebber, musiekentoesias, wynkenner of net op soek na ’n goeie lag is. Maak dus seker jou sitplekke is bespreek en kom ervaar hoe kultuur leef, nét by Toyota Innibos! 

MAAK JOU EIE SKILDERY IN SKILDER EN WYN BY DIE TOYOTA INNIBOS OP 4 EN 5 JULIE 2025 Kom maak jou eie skildery terwyl jy lekker fees hou by die Innibos Kunstefees en al die wonderlike teaterproduksies geniet.   SKILDER EN WYN met Hannelie Swart en Ana van Achterbergh word by die Fleur de Lis Restaurant by die Nelspruit Hoërskool aangebied op 4 en 5 Julie elke oggend om 09:00.  Besprekings kan gedoen word by www.ticketpro.co.za of 011 815 3000.  Direkte skakel: https://www.innibos.co.za/skilder-en-wyn/ Die produksie word aangebied met die trotse ondersteuning Afrikaans100, Ambassador Execudrive, Britz Couriers & Removals, Feeste.net, Hollywood Costumes, LTickets, Lift Airlines, Mobilis Auto, RSG, Van Loveren Wyne en WS Pianos. Jou gasvrou is Hannelie Swart, ‘n kunstenaar in eie reg met ‘n Meestersgraad in Visuele Kunste en word bygestaan deur die aktrise, Ana van Achterbergh. Hannelie is ook bekend vir haar kuns as heling-sessies (kunsterapie) en is ‘n kenner op die gebied waar die onderbewuste ontdek word vir self-verryking en self-kennis. Hierdie eiesoortige kunsmeestersklas, met ‘n lekker glasie Van Loveren-wyn in die hand, gaan jou help om jou eie unieke skildery in ‘n prettige en rustige atmosfeer te teken en te verf. Geen kunstalent of kunsopleiding is nodig nie, want Hannelie gaan jou stap vir stap deur die proses vat. Hannelie sê dat sy Alice van ALICE IN WONDERLAND gebruik het as metafoor om die  “self” en “identiteit” te ondersoek in haar Meestersgraad in die Visuele Kunste.  “My vraag was watter self is ek en wanneer”, sê Swart.  “Dit gaan hoofsaaklik daaroor dat self en identiteit verward raak in die samelewing tans grootliks as gevolg van die verskillende rolle wat ons speel op sosiale media platforms, of die verskilldende maskers wat ons op sit.  So in hierdie werkswinkels gaan delf ons bietjie in die onderbewuste, waar die  fokus op die proses is  tot en met die eindproduk wat dan ’n skildery is” Hannelie glo vas aan die helende aspek van kuns.  “As jy jouself wil bederf met tyd en kreatiwiteit moet jy kom bywoon, ook omdat  jy deur die interaksie met verf jou self tyd gee vir self-kennis , self-verryking,  en in aanraking met jou onderbewuste, en ‘n bewustheid van wie jy is” . Swart sê die proses is baie belangriker as die eindproduk .  “Ek begin eers met ‘n oefening om die kreatiwiteit aan te skakel en dan sal daar riglyne wees oor ‘n tema wat ons gaan skilder.  Maar ons werk heeltemal outomaties wat beteken ek gebruik tegnieke en ons mors lekker met verf, waar ons vanuit die onderbewuste merke op die doek maak met ink en verf en van daar oorgaan na die tema. Elkeen se kunswerk is uniek. So in my werkswinkels gee ek nie een prentjie en almal skilder dit na nie.   Ons eksperimenteer lekker met die ink en verf, gesels lekker en natuurlik is daar ’n glasie wyn vir die wat dit wil geniet in ‘n  ontspanne en rustig atmosfeer. Wyn kry mos die kreatiewe denke aan die gang.” Alle kunsmateriaal en wyn sal voorsien word en is ingesluit in jou fooi. Jy gaan hierdie opwindende sessie verlaat met jou eie A3 skildery. Wat ‘n beter manier om die KKNK 2025 te onthou. Bespreek vinning want die Skilder en Wyn-sessie word beperk tot net 25 persone per klas. Die sessie sal drie ure neem.   UITGEREIK DEUR LEFRA PRODUKSIESMEER INLIGTING/ MEDIA ONDERHOUDE/ FOTO’SCHARL SENEKAL: 0118153000, 061 616 6138 of admin@lefra.com

Kom lag lekker saam by Toyota Innibos 2025’n Fees vir jou lagspiere! By Toyota Innibos 2025 gaan dit oor een ding: LEKKER saam feesvier – en LEKKER saam lag! Die 21ste verjaarsdag van hierdie geliefde kultuurfees val saam met Afrikaans se eeufeesvieringe, en dis juis hoekom die program vanjaar propvol kwaliteit komedie is. Dis ’n tyd om te ontspan, die bolla los te maak en jou lagspiere behoorlik aan die werk te sit. En waar beter om dit te doen as in een van die vele teaters waar die land se beste akteurs en regisseurs jou kom vermaak? “Geagte Kampeerders” een van die feesdebute, is geskryf en aangebied deur Wynand van Vollenstee, met Thiart Li aan sy sy. ‘n Opsigter, eienaar en bestuurder van Willewaters Kampeerterrein verwelkom elke Desember die Transvalers met ope arms, tot ’n rampspoedige wending alles op hol jaag. Nóg ‘n debuut, “Kry vir jou ’n tux, Thomas”, bring groot name soos Dean-John Smith en Marion Holm na die verhoog. Tessa Slabbert weier om haar eksman se sogenaamde “toekenning” te aanvaar as ’n afskeidsgroet. Thomas moet haar oorreed om die funksie by te woon, wat lei tot ’n onwaarskynlike ooreenkoms vol emosie, lag en konfrontasie.  Vir diegene wat hou van gevestigde gunstelinge is daar ook klassieke komedies wat terugkeer na die planke, elk met ’n vars aanslag en geliefde akteurs. “Ouma is op pad” bring weer die immergewilde Dolla, vertolk deur Margit Meyer-Rödenbeck, terug op die verhoog. Hierdie stuk is ’n reis vol hart, wysheid en die soort wyshede wat net ’n ouma kan kwytraak. Dan is daar ook die immer gewilde “Moord met ’n T”, met drie legendes: Tobie Cronjé, Ignatius van Heerden en André Lotter, wat die verhoog aan die brand speel.  “Marion Monroe” is ’n eerlike en heerlike komedie waarin Marion Holm met humor en styl vra: wat maak jou, jy? En, “Vlerksleep” is ’n skreeusnaakse komedie oor die chaos en komedie van blinde afsprake, met ’n sterbelaaide rolverdeling en ’n vars kyk op liefdesvermaak, geskryf deur Peter Quilter, en in Afrikaans vertaal deur Frans Swart met Bertha le Roux-Wahl, David James, Elma Potgieter, Richard van der Westhuizen. Met hierdie ongelooflike keuse van produksies is dit duidelik: Toyota Innibos 2025 is ’n fees waar jy jouself kan verloor in stories, lag tot jou kake seer is, en weer met nuwe energie huis toe gaan. Kom sit terug, kom ontspan, en kom beleef wat Afrikaanse komedie alles kan wees. Jou sitplek wag – en jou lagspiere ook! Kaartjies beskikbaar by Ticketpro. Volledige program beskikbaar op www.innibos.co.za op Facebook, Instagram en TikTok.