Nuus

Kom luister, lees en kuier saam met die uitgelese skrywers op Kaapsehoop – vir ’n ganse naweek lank. Die Innibos @ Kaapsehoop Boekenaweek is van 1 tot 3 September 2023. Van romans, digkuns en aktuele boeke en hul skrywers trek tydens dié naweek saam vir ’n boekprogram uit die boonste rakke op die skilderagtige Kaapsehoop. So, liewe leser, sorg dat jy daar is! Boekbekendstellings en -praatjies, voorlesings en gesellige kuiers rondom die woord is Innibos se splinternuwe manier om boeke te vier. Vir meer inligting, kontak Annemarie van der Walt by annemarie@innibos.co.za.  Geborg deur ATKV

“Provoking Perspectives: Art as a Catalyst for Conversation” Mpumalanga Legislature Chambers Tuesday 27 June – Saturday 1 July Walkabouts daily – 10:00 and 14:30  Provoking Perspectives is an exhibition deliberately designed as a provocative catalyst to stimulate conversations and debate about the value of ecstatic or perhaps aesthetic experiences in art. This collection of art works, spanning from 1963 to 2023, is curated by John-Anthony Boerma and facilitated by Art Aid (Pty) Ltd. The collection features works from known and unknown artists from all over South Africa, focussing on Mpumalanga, casting a wide net to ensure inclusivity and representation. The goal of this exhibition is not only to showcase the diversity of art styles and approaches from the Mpumalanga Province and its South African diaspora, but also to explore new approaches to art both in process and product, and to give appropriate expression to the aspirations of a rapidly transforming society. We hope that this collection will spark meaningful dialogue and engagement with contemporary art in South Africa. Call Sandra on 082 853 7885 for enquiries.    

Akteurs en glanspersoonlikhede is gewoonlik sinoniem met verjongingskure, maar as ʼn rol dit vereis, kan jeugdige akteurs vinnig in ʼn ou dame of man omskep word met die nuutste tegnologie en grimeerkunsies. Innibos Kunstefees het vanjaar twee produksies waar jong akteurs ouer of bejaarde karakters vertolk. Die jeugdige Desire Gardner, bekend vir haar rolle in Roepman, Binnelanders en Suidooster, vertolk deesdae die rol van Magda Louw wat haarself in haar herfsjare bevind. Hierdie kykNET-televisiereeks is vir die verhoog verwerk en is by Innibos op die planke. Vir die televisiereeks moes die twee hoofkarakters, Desire Gardner en Hannes van Wyk, ure in die grimeerstoel deurbring om hulle na middeljariges te transformeer. In sowel Hans steek die Rubicon oor en die Hans gee Herklaas horings vertolk die jeugdige Charlie Bouguenon die rol van die 92 jarige Hans van Kraaienburg. Met toepaslike grimering en baie akteursvernuf klim hy pens en pootjies in dié bejaarde karakter in. Beide hierdie produksies is topverkopers by teaters landswyd asook by kunstefeeste soos die Suidoosterfees en die KKNK. Innibos se jong Tiktokker, Ané Niehaus, het spesiaal Rand toe gery om by Oakfield College te gaan kers opsteek oor hoe akteurs so ʼn gedaanteverwisseling ondergaan. Oakfield College bied kursusse in drama, grimeerkuns, spesiale effekte, musiekteater, ontwerp en vele meer aan. Sy wou self sien hoe dit gedoen word en ʼn spesiale sessie is met die lektor, Alet Dreeckmeier gereël om hierdie bloedjonge juffer oud te laat lyk. Die hele proses is op film vasgelê en die lesers kan gerus daarna gaan kyk op Tiktok onder die naam @fees_vlooi.  

Kuns inni Liedjiebos UITSTALLING Skrywers en die publiek is uitgenooi om gedigte te skryf onder die tema VARS! 20 kunstenaars uit die Laeveld is gevra om een van hierdie gedigte te kies en dit te gebruik as inspirasie vir ʼn kunswerk. Hierdie kunswerke en die gedigte kan gesien word in ʼn kunsuitstalling by Christie’s at 32 on Russell vanaf Woensdag, 28 Junie 2023 tot Sondag, 2 Julie 2023. Die twintig kunstenaars wie se werke gesien kan word, is: Annalie Odendaal, Antjie Newton, Anton Bosch, Anton Pieters, Ayanda Nkosi, Braam van Wyk, Carel de Beer, Erica Schoeman, Esra Bosch, Eugené Wait, Hanli Bosch, Ilona Petzer, John Anthony Boerma, Linda Raath, Lizanne Barnard, Mariana Zwaan, Raymond Morse, Reinette Fourie, Reuben Mpangane, Theresa Prinsloo, Winston Thekiso. Hierdie is ‘n unieke uitstalling wat beslis gesien moet word. Carel de Beer Mariana Zwaan Ilona Petzer Theresa Prinsloo KUNS INNI LIEDJIEBOS GEKOSE GEDIGTE UITSLAG Met die Kuns Inni Liedjiebos-projek is die publiek gevra om gedigte te stuur vir moontlike oorweging om in hierdie produksie gebruik te word. ʼn Magdom pragtige gedigte is ontvang en dit het baie kopkrap gekos om daaruit te kies. Die volgende gedigte is gekies om deel van die musiekproduksie te wees: Vars Onthou – D Dannhauser Tussen dagbreek en drome- Loretta Szikra “Inni” bos- Jané Immerzeel Kry lewe! – Erica Schoeman Ontkiem – Mari Vorster Heuning- Jak.J Brits Soverby- Thomas Deacon Dwase  Dae – Pieter W Grobbelaar Growth- Taylor van Deventer Dear Friend – Lizanne Barnard Dagbreek – Ilona Petzer Lidi se Rap – Lidi de Waal N Lyf – Lidi de Waal Die volgende gedigte gaan deur ʼn kunswerk uitgebeeld word en maak deel uit van die Kuns inni Liedjiebos-uitstalling wat gedurende die Innibosfees vanaf 28 Junie tot 2 Julie by Christies’ at 32 on Russell uitgestal gaan word: Op reis – Ludi Botha Tussen dagbreek en drome – Loretta Szikra Light the way – Magda Engelbrecht Saad – Erica Schoeman I am the eagle – Carel de Beer Uit die as … Tessa van der Merwe Boom – Ingrid Bezuidenhout Vlug – Andrea Sieberhagen Life is short – Lizanne Barnard Daar is … Elizabeth Meyer Brood en klip – Anne Marie van Eeden Fresh start of the hart – Christelle Olckers Kaapsehoop as hoop vervaag – Ingred Kiewiet Phoenix Firebomb – Denlan Molokwu (leerder van Curro Nelspruit) ʼn Seder val in Waterkloof – Erica van Jaarsveld Metaverse – Fresh find – Christelle Olckers Brook – Ilke Harley

Elke jaar word die gronde by Bergvlam Hoërskool omskep in ʼn feestelike terrein waar feesgangers na hartelus hulle kooplus kan bevredig. Vanjaar is die Bosmôl en piazza net die plek om te wees. Daar is ʼn magdom van nuwe uitstallers wat nog nooit voorheen by die fees was nie. Uitgesoekte produkte van reg oor die land gaan uitgestal word. Baie is produkte wat nie in gewone winkels beskikbaar is nie en hierdie is dus ʼn een-keer-ʼn-jaar-geleentheid. Pragtige leerartikels, klerasie, skoene en unieke juwele gaan te koop wees. En natuurlik is daar ook baie vir die manne: van braaigereedskap tot lekker funky T-hemde (en alles tussen-in!) Die kosstalletjies is van topgehalte – kom verlustig jouself in die groot verskeidenheid smake wat behoorlik in jou mond gaan ontplof! Sit sommer ’n hele dag op jou feesprogram opsy om deur die 250 stalletjies te snuffel vir daardie unieke geskenk of self-bederfie! Hier kan jy na hartelus kom kuier, koop en kyk!