2024

Kersfees sluip vinniger nader as wat jy wil erken, en hoewel jy dalk nog ‘n duisend dinge moet doen voor die feesseisoen aanbreek, gaan Innibos dit vir jou maklik maak. Want net soos julle, wonder ons ook wat om te koop vir daardie spesiale iemand wat reeds alles het.  Innibos het die antwoord vir ‘n perfekte WOW-faktor kersgeskenk-idee. Volgens Sandra Jacobs, bemarkingsbestuurder van die Innibos Nasionale Kunstefees, is daar geen beter geskenk as ‘n WEEK-kaartjie vir 2025 se fees teen 2024 se prys van slegs R660 nie.  Volgens Jacobs is dit ‘n sakpas-idee wat jou ook tyd spaar,want kom ons wees eerlik, Innibos is net te lekker om te laat lê! Wat kan dan nou lekkerder wees as om te weet jy verskaf iemand drie dae se pret-sonder-grense vanaf 3-5 Julie 2025, op die LEKKERste feesgronde in die land! Jy kan verseker wees van toegang tot ‘n magdom stalletjies, musiekverhoë wat jou hart gaan laat sing, die Boma Kuierteater vir saam kuier en lag, Woelwaters vir die kleingoed, Die Wingerd Kuiertuin én ongelooflike aand vertonings met van Suid-Afrika se top kunstenaars. “Dit is die geskenk wat blywende herinneringe skep en dit is veel meer waardevol as ’n gewone Kersgeskenk,” voeg Jacobs by. Die 2024-pryse hou nie vir altyd nie, so gryp jou geskenkbewys nou teen R660 en gee die geskenk van vreugde, musiek en ongelooflike herinneringe! Klik hierdie skakel om jou geskenkbewys te koop

Here comes the highlight for every culture and music lover’s social calendar – the Innibos National Arts Festival 2025, which is taking place from 3 – 5 July, in Mbombela (Nelspruit). This year the theme is LEKKER and we are searching for pop-up artists (Buskers) whose unique talents will be a LEKKER cherry on top at the festival. According to Sandra Jacobs, Marketing Manager of the Innibos Arts Festival, the skill and creativity of pop-up artists will add a little extra flavour to the beloved Lowveld festival. “From acrobatic stunts and miming to playing unusual instruments or even balancing a washing machine on your head – whatever you can do to entertain, it’s welcome!” “You can showcase your talents freely on the festival grounds, and we’ll give you the opportunity to set out a hat for tips,” she adds. What could be LEKKERDER than a festival filled with spontaneous, pop-up performers who can liven up the atmosphere anytime, anywhere?  Why should you apply? Because at Innibos, we believe LEKKER is more than just a taste – it’s a feeling, an atmosphere or vibe, and an experience you don’t want to miss! This is the perfect platform to share your artistic heart, and who knows, you might just bring the whole festival to a standstill with your unique talent. Important Information: BUSKERS Application Forms Successful applicants will be notified on 28 February 2025.  Afrikaanse aansoekvorm English application form Innibos offers every pop-up artist/busker free entry to the festival grounds and the opportunity to collect tips from festival-goers. We also request that performers be available for the entire duration of the festival, from 3 – 5 July. So, if you’re ready to share your art in the LEKKERSTE atmosphere the country has to offer, now’s your chance! Apply, showcase your talents, and make Innibos 2025 a LEKKER experience that festival-goers will remember for years to come.

’n Heerlike keuse van komedie om die gemoedere te lig is te sien by Innibos Kunstefees vanjaar. Innibos is van 27 tot 30 Junie in Mbombela. Hospitale en wat daarmee gepaard gaan, is geen grap nie, maar soms is ’n skaterlag of meer ’n dag presies wat nodig is om weer beter te voel. Die talentvolle Wynand van Vollenstee is die teksskrywer en regisseur van die Innibos-komedie Hospitale, kateters en familie-lede én is op die verhoog te sien in hierdie skreeusnaakse debuut. Saam met hom in die rolverdeling is Stephanie Baartman, Thiart Li en Marissa Claasen. Die vier akteurs vertolk altesaam veertien verskillende karakters wat in ’n hospitaal verskeie onvermydelike misverstande, verwarrende mediese prosedures en ’n bedenklike spyskaart die hoof moet bied om gesond te word. Daarby is die toestand van die mediese toerusting maar so-so. Dis asof slegs die skelhelder buisligte wat dag en nag brand, al is wat werk. As daar egter een ding is wat Suid-Afrikaners kan doen, is dit om tragiese oomblikke te omskep in iets verkwikkend humoristies. In die talle situasies wat die meeste mense iets van sal herken, is die deurlopende draad van omgee en hoe mense mekaar deur selfs die donkerste uur kan bystaan. Hospitale, kateters en familielede is te sien by Bergland Laerskool op Donderdag, 27 Junie om 16:00, Vrydag, 28 Junie om 10:00 en Saterdag, 29 Junie om 15:00. Kaartjies kos R190. Nico Luwes, bekende dramaturg en skrywer voorheen verbonde aan die departement drama van die Universiteit van Vrystaat, het ’n kortverhaal van die Russiese meester Anton Tsjechov verwerk as ’n klug waarmee menige rooiwynliefhebbers sal kan vereenselwig. Ou Wyntoon en die weerlose kreatuur gaan oor wanneer dit voel “asof sewe perdebye jou onder die toonnael gesteek het” en dit boonop vererger word deur ’n kermende vrou met haar eie agenda. Sy is ook glad nie so weerloos soos sy voorgee nie. Luwes se belangstelling in die klassieke skrywer Tsjekov van Rusland – ook die skrywer van die bekende Die Kersieboord – duur al dekades en hy het voorheen verskeie stukke verwerk. Esther von Waltsleben, Johann Nel en Jan-Hendrik Opperman is die trio wat teatergangers aan die skaterlag gaan hou. Klugte is heerlik oordrewe en net die ding om jou van die alledaagse sorge te laat vergeet. Kaartjies kos R190 en dit is te sien by Laeveld Laerskool op Donderdag, 27 Junie, om 10:00, Vrydag, 28 Junie, om 16:00 en Saterdag, 29 Junie, om 10:00. Schalk Bezuidenhout is slimmer, skerper en snaakser as ooit tevore in Mamma se groot seun. Dié standup debuteer by Innibos Kunstefees en aanhangers moet beslis nie gras onder die voete laat groei om kaartjies in die hande te kry nie. Daar is slegs een vertoning en wel op Saterdag, 29 Junie, om 12:00 in die Nelspruit Hoërskool Ouditorium. Kaartjies kos R180.

Innibos-feesgangers hoef nie te wag vir elke aand se superkonsert op die hoofverhoog nie, maar kan sommer vroegdag reeds lekker in die feesgees kom. Die Innibos Kunstefees in Mbombela is van 27 tot 30 Junie vanjaar, en die feesterrein by Hoërskool Bergvlam  open daagliks om 10:00. Op die feesterrein is nie minder nie as drie kuierverhoë. Die Nashua-verhoog is reg oorkant die hoofverhoog, die kykNET-verhoog in die Bosmôl en laastens die verhoog in die Wingerd Kuiertuin. Sangers wat deur die loop van die fees op die kuierverhoë gaan optree, sluit in Coffee Snobs, Damian Beer, Janie Bay, Natascha C, Jan-Mattys en John Rock Prophet. As jy lus het om kort en komiese toneelsketse te sien, is die Laevelder Boma-kuierteater die plek om te wees. Op die program is André die Skreeusnaakse Hipnotiseur wat jou sal laat skater van die lag. Trek sommer die waagmoedige skoene aan en wees ’n vrywillige deelnemer in dié vertoning om uit te vind wat jy bereid is om te doen onder hipnose. Wynand van Vollenstee is te sien in die Die Begrafnisrede oor die uitdagings wanneer die tydelike met die ewige verwissel word. Dit is ’n ligte blik op ’n netelige lewenskwessie. Ewe komies is die ander eenmanproduksie Draf, Boela! Draf! deur Tiaan Slabbert. Hy is in die rol van Boela Botha van die Moot in Pretoria wat in ʼn polisie-ondervragingskamer beland ná ’n klein mistykie wat eindelik ’n hele gemeenskap saamsnoer. Dik Deurmekaar is komedie met skerpskerts gekruis deur Mel die Storieverteller van internet-faam, terwyl die akteursegpaar Esther von Waltsleben en Jan-Hendrik Opperman in Sewe Sakke Sout die konsternasies en blapse van 20 jaar se getroude lewe deel. Wees ook elke dag by die Laevelder Boma-kuierteater wanneer Francois Jacobs gesels met bekendes soos die rugbyman Hammie Wessels, akteurs van Binnelanders, en Brendan Peyper, wat dalk net ’n paar geheime gaan verklap oor die onlangse Op my eish! Om die Innibos-feesterrein te geniet met kleingoed kan soms uitdagend wees, maar met die propvol program van 11:00 tot 17:00 daagliks by die SPAR Woelwaters (in die skoolsaal) kan jy vir seker weet hulle word ook op ’n gepaste manier vermaak. Daar is onder meer die Fliep-Flappers (opvoedkundige kindertoneel), Kok en die lawwe rot, Miemsie en die vervlakste leeu, Ronnie die Renoster, ATKV-Storietyd, Spar Kolwyntjiepret, en speeltyd saam met FUN GALORE. Vir die kleinspan wat ingeteken is, is daar middagete, wat moontlik gemaak word deur SPAR en SUNBAKE. Daar is ook ’n aand-oppasdiens. Bekwame personeel sien na die kleintjies om teen ’n billike tarief. Vanjaar is daar ook ’n spesiale doekomruilstasie by SPAR Woelwaters wat geborg word deur SPAR Little Munchkins so jy hoef nie tussen ’n klomp vreemdelinge en op ’n ongemaklike plek te sukkel nie. By die doekomruilstasie is daar produkte van Little Munchkins wat jy gerus kan gebruik, asook ’n gemakstoel vir wanneer baba gevoed moet word. Hou ook ’n oog oop vir die flambojante buskers wat weer vanjaar oral op die Innibos-feesterrein te sien sal wees. Van steltlopers tot reusagtige poppe wat uit die bloute verskyn, gaan jou lekker verras en die mond laat oophang vir The Psychedelic Theatre-geselskap se akteurs.

Van die room van Afrikaanse akteurs is vanjaar op die verhoog by die Innibos Kunstefees en Laevelders wat uitgehonger is vir goeie, komiese en meesleurende toneelstukke kan uit van die beste aanbiedinge kies. In ’n uiteenlopende verskeidenheid toneelstukke is onder andere Sandra Prinsloo, Rika Sennett, Adriaan Havenga, Cindy Swanepoel, Je-ani Swiegelaar, Louw Venter en Ben Albertyn te sien. ’n Tema wat in meer as een van die stukke aan die bod kom, is verhoudings, hetsy tusse pa en seun (Albatros), vreemdelinge wat meer van mekaar weet as te wagte (Forte), met die verlede en die self (Die Vrou op die Dak) en tussen ’n egpaar wat soos ’n Siamese tweeling aan mekaar gegroei het en nie weet hoe om die toekomstige pad afsonderlik aan te pak nie 1 (Een). Sandra Prinsloo en David Ralph Viviers lewer ’n kragtoer in Op die hoek van Styx en River is Nora per abuis met die dood oorgeslaan. Dié ellelange titel verklap iets van die oorgang na die hiernamaalse wat toe glad nie so glad verloop vir die karakter Nora (Prinsloo) nie, maar eerder voel soos die administratiewe chaos van ’n staatsdienskantoor. Viviers is ’n wenner van onder meer ’n Fleur de Cap-toneelprys, en het verlede jaar ook sy eerste roman die lig laat sien. Sy spel in Op die hoek… het teatergangers by die KKNK vanjaar se asem weggeslaan. In 1 (Een) laat val Cindy Swanepoel haar mantel as sepiester en pak sy saam met Zak Hendrikz ’n komiese en magiese teaterstuk aan onder die ervare regie van Alby Michaels. Hulle is die paartjie Hiss and Hirr wat so aan mekaar vasgegroei het en noudat hulle wil skei, is dit ’n hengse probleem. Dit is ’n tong-in-die-kies besinning oor die of die mens ooit bestem is om sy ander helfte te vind. Je-ani Swiegelaar is die Die Vrou op die Dak wat haar lewe in oënskou moet neem wanneer sy die kans om alles – van man tot huis – gaan verloor. Tussen die bakleiery met die huisslopers, haar bure en omstanders is die huis se dak haar toevlug. Daar lyk die blik op die wêreld darem anders, en bied dit dalk ’n uitkoms. Swiegelaar se spel in dié stuk is beskryf as “niks minder as buitengewoon en voortreflik nie”. Daar was al heelwat verhoogdramas oor ma’s en dogters, maar minder oor die verhoudinge tussen pa’s en seuns. Dit kom egter nou onder die loep in Albatros met Louw Venter en Ben Albertyn waar die twee mans woorde probeer vind terwyl hulle saam aan ’n boot bou. Dit is een van die vlagskipproduksies by vanjaar se Innibos. Rika Sennett se toneelervaring kom tot sy volle reg in die drama Forte saam met Adriaan Havenga. Havenga, op sy beurt, is geen groentjie nie en in 2023 bekroon met twee Fiësta-toekennings. Hy was ook al te sien in episodes van Die Byl, Lui maar op Belinda en verskeie ander produksies. In Forte is hy ’n vreemdeling wat by ’n wêreldbekende tjellis (Sennett) se deur opdaag met ’n geheim wat hy diep bewaar. Die volledige Innibos-program is op innibos.co.za. Klik daar op die Ticketpro-skakel om kaartjies te bespreek. Buiten Vrou op die dak, is al die ander produksies moontlik gemaak deur die Nasionale Afrikaanse Teater Inisiatief (NATi).

Vanjaar bied Inibos musiekteater aan met van langpadtroebadoers, ’n skouspel in die Sudwala-grotte en ’n boy band soos van ouds tot van die beste sangers en akteurs vir woord en lied op die verhoog. Indien jy verkies om jou musiek opgedis te kry in kleiner maat en in ’n knus omgewing, is Nataniël se vertoning op Donderdag, 27 Junie, in die Sudwala-grotte iets wat jy nie wil misloop nie. Soos altyd kan jy ’n skouspel verwag, maar ook stories wat aanspraak maak op deernis en daardie ietwat aweregse blik wat Nataniël op die alledaagse bied. Soos oudergewoonte word Nataniël begelei deur Charl du Plessis, gerekende Steinway-pianis, en met die uitsonderlike akoestiek van die grotte sal konsertgangers meegevoer kan raak. Kaartjies kos R300. Noem die name Valiant Swart en Koos Kombuis in een asem, en ’n mens word sommer oorval met nostalgie van toe dié manne jare gelede op die musiektoneel verskyn het. Elkeen het sy eie stempel afgedruk en het suksesvolle solo-loopbane, maar by Innibos is hulle vir die eerste keer in ’n lang tyd weer saam op die verhoog. Vir musikale bystand is die kitaarspeler Illimar Neitz daar om afronding aan ’n keurvertoning te gee. Kaartjies kos R190 (Hoërskool Nelspruit Ouditorium). Boy bands is deesdae miskien nie meer so volop soos ’n klompie jare gelede nie, maar daar is darem min wat by die energie en harmonie van ’n klomp geoefende manne kan kers vashou. Dít kry jy alles in die vertoning Boys R Back – The Ultimate Boy Band Show met Germandt Geldenhuys, Lee Scott, Reynardt Hugo, Ruan Josh en Willem Botha. Daar is Westlife se ballades, die ongetemperde energie van Backstreet Boys, treffers van One Direction, ook musiek van NSYNC, Hi-5 en die jongelinge van destyds, Eden. Gaan op ’n heerlike reis terug na die verlede en laat die musiek jou dinge en tye onthou wat jy al lankal vergeet het. Kaartjies kos R200 (Höerskool Nelspruit Ouditorium). Mixtape van die liefde is veral vir diegene wat ’n voorliefde het vir sterk lirieke. Al is dit ’n stewige ensemble wat hier hul talente in een pot bymekaar roer, is dit ’n meer intieme musiekteater ervaring. Saam met Anna Davel, wat die teks saamgestel het uit ’n bloemlesing byeengebring deur Antjie Krog, is Jana Cilliers, Mathys Roets, Johny Klein, Stephanie Baartman, Laurinda Hofmeyr en Leon Gropp. Hofmyer en Gropp doen ook die musiekregie. In die vertoning is dit liefde boweals, maar die stemme is divers en reik oor temas, kultuurgroepe en generasies heen. Dit is beslis ook nie net oor rooskleurige liefde nie, want ja, liefde is soms morsig en kan mense bietjie mallerig maak. Gee jou oor daaraan. Kaartjies kos R200 (Hoërskool Nelspruit Ouditorium).