Dian Rodgers van Laerskool laeveld het vanjaar die Innibos-t-hemp-kompetisie vir Laerskole gewen met sy ontwerpkonsep. Die driebeenpot wat oorkook met musieknote het die beoordelaars beïndruk! Baie geluk Dian! Geniet jou pryse!
Laerskoolkinders T-hemp kompetisie Read More »
Die ATKV-Kuns- en Boeke-oase by Innibos is vanjaar opnuut die toevlugsoord vir lesers en liefhebbers van die skone kunste ná ’n afwesigheid verlede jaar. Verskeie boekgesprekke word elke dag by die ATKV-Kuns- en Boeke-oase by Laerskool Nelspruit se kultuursentrum gehou. Etienne van Heerder kom vertel onder meer van die magiese gegewens in sy boek Gebeente, Leon van Nierop gesels oor sy pennevrug Droomjagter en Amoré Bekker verklap as samesteller meer oor Ek het ’n Engel gesien, wat bestaan uit 72 stories oor Suid-Afrikaners se ervaringe met hierdie hemelse wesens. Die debuutboek van Riaan Grobler, Geheime op Philadelphia, word bekend gestel. Grobler is ook bekend as sanger en radiopersoonlikheid. Die kersie op die koek is ’n boekgesprek met Dr. Mathews Phosa waartydens hy meer sal vertel van sy derde Afrikaanse digbundel waarmee hy besig is, asook twee geskiedenisboeke in wording. Mathews is ʼn stigterslid van Innibos Kunstefees en het ’n boeiende verbintenis met die Afrikaanse kultuurlandskap. Danie Marias stel sy nuwe digbundel, Ek en jy bestaan nie bekend en Danie du Toit van Spoegwolf-faam gaan met hom gesels. Hierdie bundel handel oor die menslike middelklastoestand en die unbearable whiteness of being wat waag om eerlik te praat oor die dinge waaroor mense liefs stilbly. Buiten die boekgesprekke is die amptelike Innibos kunsuitstalling Son of a Shopfitter, deur Luan Nel te sien in die uitstalsaal. Nel is vanjaar die feeskunstenaar. Boeke en kuns gaan hand aan hand met rustige musiek en ’n lekker glasie wyn. Kunstenaars soos Coffee Snobs, Christof Berg, Alouise en Stix gaan hier optree en daar word daagliks ʼn wynproe deur Hetta Saunderson van Van Loveren aangebied. Feesgangers kan kom saamluister hoe RSG Spektrum op Donderdag, 27 Junie 2024 en Vrydag, 28 Junie 2024 om 12:00 vanaf die ATKV-Kuns- en Boeke-oase uitgesaai word. Die gewilde Brêkfis met Derrich word van 06:00 tot 10:00 op Saterdag, 29 Junie 2024, uitgesaai. Dit is ʼn op en wakker Saterdagoggendkuier met musiek, kompetisies, omgewingsake en motors aangebied deur die immergewilde Derrich Gardner. Al hierdie boekgesprekke en aanbiedings word gratis aangebied. Die ATKV- Kuns- en Boeke-oase by Nelspruit Laerskool Kultuursentrum is beslis ʼn besoek werd.
Innibos bied ’n oase vir boeke en kuns Read More »
Teatergangers wat lank reeds uitgehonger is vir goeie toneelstukke kan maar hulle sit kry vir vanjaar se keurspyskaart tydens Innibos Kunstefees, waaronder vier debuutstukke. Daar is dramas wat jou sal laat nadink oor verlies, verhoudings op verskeie vlakke en berusting, terwyl die komedies vir welkome verligting verskaf, hoewel dit steeds heelwat stof tot nadenke bied. Een van die hoogtepunte is beslis om die ervare aktrise Rika Sennett weer op die verhoog te sien in die stuk Forté, saam met medespeler en Fiëstawenner Adriaan Havenga. Sennett speel die rol van ’n wêreldbekende tjellis wat ná haar man se dood nie weer ’n noot gespeel het nie. Dan daag ’n jong man ongenooid op by haar huis op en boonop blyk dit hy ken haar ten diepste. Dit is ’n raaisel, en die klimaks lê net soveel in die ontknoping daarvan as in die besondere sterk samespel tussen Sennett en Havenga. Die teks is geskryf deur Pierre-André Viviers, en die stuk is moontlik gemaak deur die Nasionale Afrikaanse Teaterinisiatief (Nati). Kaartjies kos R190 (Mbombela Stadsteater). Verhoudings, dié keer tussen ’n seun en sy pa, is die tema in Albatros, met Louw Venter en Ben Albertyn. Venter, bekend vir verskeie filmrolle waaronder in Konfetti, is ’n pa wat sy seun alleen moes grootmaak. Wanneer dié self ’n jong man is, doem die spoke uit pa en seun se verlede op. Hoe die mans wat so moeilik iets te sê kry hul weg na mekaar vind, is tegelyk tragedie én komedie, en beslis ook pitkos. (Ook moontlik gemaak deur Nati.) Kaartjies kos R190 (Mbombela Stadsteater). In die eenmanstuk Ballade vir ’n blikbrein skitter Luan Jacobs as Blikkies Bliknaut, ’n robot wat soos ’n mens lyk, maar hiperslimmer en hiper-sterker is. Teksskrywer Barry van Rensburg en regisseur Kaz McFadden tower ’n rol op vir Jacobs as bliksiel wat deur algoritmes voorgeskryf word, maar wie se grootste wens is om emosie te ervaar. Dit is ’n vars, deurdagte en humoristiese aanslag van ’n tema waaroor menigeen van ons wonder met die opkoms van kunsmatige intelligensie. Kaartjies kos R180 (Mbombela Stadsteater). Wynand von Vollenstee klim vanjaar uit sy vertroude Grotman se velle, en meld aan by die hospitaal. Saam met hom op die verhoog is Marissa Claasen, Tiart Li en Stephanie Baartman in Hospitale, kateters en familielede. ’n Mens weet sommer reeds hier kom ’n ding wat jou gaan laat lê van die lag. Presies hóé absurd dinge in ’n hospitaal kan word, word uit veertien verskillende karakters se invalshoeke vertel. Iewers gaan die kyker ’n situasie of drie herken. Daar is self ’n Duitse herdershond… Kaartjies kos R190. (Bergland Laerskool). Die volledige program en speeltye is by innibos.co.za. Kaartjies is te koop by TicketPro (ticketpros.co.za of volg die skakel van Innibos se webwerf.)
’n Toneelfees van debute by Innibos 2024 Read More »
In Junie hierdie jaar vertrek bekende sanger en liedjieskrywer Elvis Blue op die avontuur van ‘n leeftyd, met die oog daarop om jou aandag te trek! Vanaf 1 Junie sal Elvis man alleen op sy fiets ry vanaf George tot in Nelspruit, waar die Innibos Kunstefees plaasvind – ‘n afstand van 1500 km – en hoekom? So sê Elvis: “Hoekom op aarde sal ek ry vanaf George na Nelspruit op ‘n fiets? Ek doen dit om jou aandag te kry! Net vir ‘n oomblik! En nou dat ek moontlik jou aandag het, kan ek jou vra dat ons saam iets betekenisvol doen in die lewens van kinders wat jou hulp nodig het. Ek weet nie van jou nie, maar ek weier om te leef in ‘n wereld waar kinders met leë magies moet skool toe gaan en iets probeer leer. Ek weier om net rond te sit met die wete dat daar kinders is wat nie die potlode, penne, boeke of selfs skoene het om skool toe met te gaan nie. Dat daar slimkoppe, sportsmanne en musiek maestros is wat nooit die geleentheid salhê om bo hulle omstandighede uit te rys nie. Dis wat ek wil hê ons saam moet aanspreek! Daar is so baie geraas en behoefte en hopeloosheid rondom ons, soms raak ons afgestomp daarvoor. En my hart raak ook seer wanneer ouers nie vir hulle kinders kan sorg nie, of wanneer ‘n kind se omstandighede net onmoontlik lyk. Al kan ek net vir ‘n paar doen wat ek wens ek vir duisende kon doen, dink ek dis nog steeds die moeite werd!” Honger affekteer sowat 9.6 miljoen kinders in Suid Afrika daagliks. Voedsel-onsekerheid is gekoppel aan ‘n wye reeks onvoordelige nagevolge, insluitende sosiale- en gedragsprobleme en is gekoppel aan gesonheidstoestande soos verdwerging, swak konsentrasie en lae immuniteit. Suid Afrika het ook een van die mees ongelyke onderwysstelsels per wêreld, wat gebuk gaan onder swak of afwesige infrastruktuur, oorvol klaskamers en kroniese onderprestasie wat die toekoms van ons kinders en dus ons land in gedrang laat. Menige sosiale opnames wys ook dat ‘n tekort aan skryfbehoeftes en uniforms asook skoolgeld ‘n uiters nadelige uitwerking op skooldeelname het en veroorsaak dat ‘n hoër en hoër koers van kinders tussen 7 en 18 glad nie skool klaarmaak nie. Elvis, tesame met Innibos, Suid Afrika se gewildste fees, wil hierdie sake aanspreek met die “Elvis Blue ry vir Skoolgeld” toer. In vennootskap met Atterbury Trust, sal Elvis poog om fondse in te samel – asook ‘n lys ander behoeftes, om hoofsaaklik 2 liefdadigheidsorganisasies, een in George, en een in Nelspruit, te ondersteun. Beide Life Community Services in George en die Daantjie Orphan Project in Nelspruit spreek die fisiese en opvoedkundige behoeftes van minderbevoorregte kinders direk aan. Elvis se roete vanaf George na Nelspruit loop soos volg: DAG 1: George – Uniondale – 111.4km DAG 2: Uniondale – Oppivlak – 103.5km DAG 3 :Oppivlak – Graaff Reinett – 129.4km DAG 4: Graaff Reinett – Middleburg – 140km DAG 5: Middleburg – Venterstad – 133.4km DAG 6: Venterstad – Smithfield – 112.3km DAG 7: Smithfield – Hobhouse – 104.5km DAG 8: Hobhouse – Ficksburg – 124.9km DAG 9: Ficksburg – Bethlehem – 94.9km DAG 10: Bethlehem – Vrede – 149.9km DAG 11: Vrede – Morgenzon – 103.2km DAG 12: Morgenzon – Badplaas – 138.7km DAG 13: Badplaas – Nelspruit – 99.4km Besighede en die publiek kan betrokke raak deur finansiële donasies of die skenk van nodige goedere. Die publiek kan ook ‘n vrywillige skenking maak wanneer jy jou Innibos kaartjie by Ticketpro koop, en via Elvis Blue se sosiale media. Alle finansiële donasies sal via die Atterbury Trust vir liefdadigheid geoudit en behartig word. Meer inligting: Kona Brown – kona@elvisblue.co.za Jy kan ook ñ bydrae maak! KLIK HIER OM ‘N BYDRAE TE MAAK Jy kan ook die “QR Code Scan” om ñ bydrae te maak:
Elvis Blue ry vanaf George na Innibos – op sy fiets! Read More »
Innibos 2024 vind van 27 tot 30 Junie in Mbombela plaas. Stadig maar seker word al die bestanddele bymekaar gekry vir ’n feestelike Wenresep van toneel, musiek, kuns en boeke. Die geheime bestanddeel? JY. Hektoegang Donderdag, 27 Junie R210 Vrydag, 28 Junie R260 Saterdag, 29 Junie R300 Senior burgers R160 Weekkaartjies R660 Kleuters en laerskoolkinders se toegang is gratis. Pleks van ’n goue sirkel, is daar vanjaar eksklusiewe kuiertafels (vir ses mense) wat voor die hoofverhoog bespreek kan word. Dié koste is addisioneel tot die hektoegang: Donderdag R660 Vrydag R960 Saterdag R1 260 Elke feesganger is ’n meesterkok Of jou voorkeur musiek, toneel, boeke of kuns is, daar is werklik iets vir elke smaak op die Innibos-program. Op die feesterrein by Hoërskool Bergvlam is daar vermaak van vroegdag tot laatnag … vir dieselfde prys as wat jy dalk vir ’n enkele vertoning van een topkunstenaar sou betaal. Oudergewoonte is daar Woelwaters vir die kleingoed. In die Boma-kuierteater is daar gratis produksies en gesprekke, en die kunstenaars op die onderskeie kuierverhoë is daagliks slegs ’n voorsmakie van elke aand se groot hoofverhoogkonsert. Onder die kunstenaars wat by die hoofkonserte gaan optree (die hele lys is ellelank) is: Droomsindroom, Dr. Victor & the Rasta Rebels, Spoegwolf, Elvis Blue, Francois van Coke, Juanita du Plessis, Karlien van Jaarsveld en die Mzansi Youth Choir. Drama-drama en musiekteater Van die akteurs wat op die verhoog te siene sal wees sluit in Sandra Prinsloo, Rika Sennett, Cindy Swanepoel, Je-ani Swiegelaar, Jan-Hendrik Opperman en Schalk Bezuidenhout. Musiekteater bring Nataniël na die uitsonderlike Sudwala-grotte, en Jana Cilliers, Anna Davel, Leon Gropp en Laurinda Hofmeyr is te sien in Mixtape van die liefde. Vir die boekwurms By die ATKV-Kuns- en Boeke-oase by Laerskool Nelspruit behoort die woord aan onder andere Etienne van Heerden, Amoré Bekker, Mathews Phosa, Leon van Nierop en Riaan Grobler. Die immergewilde ATKV- Boekecrawl op Kaapsehoop sal ook weer plaasvind. ’n Nuwe “ou” adres Innibos het weer ’n heeltydse kantoor, en ons kon sowaar die ou ruimte in Fauriestraat, Sonpark, weer ons eie maak. Welkom tuis! Vir navrae skakel 064 838 8201.
Innibos 2024 – Opgeklits vir ’n feestelike wenresep Read More »
Art Exhibition: Son of a shopfitter ATKV-Kuns- en Boeke-oase (Nelspruit Laerskool Kultuursentrum) Tuesday 25th June – Saturday 29th June Walkabouts: Thursday, 27 June 10:00 and 14:30; Friday 28 June 10:00; Saturday 2 June 10:00 and 14:30. Luan Nel is an artist whose journey is intricately woven through the tapestry of familial legacy and the ceaseless pursuit of artistic independence. As we embark on this exploration of Nel’s exhibition, “Son of a Shopfitter,” we are invited into the intimate sanctum of his childhood, where the act of drawing and painting became a refuge from the constraints of pre-drawn lines and prescribed colours. Nel’s early years unfold in a backdrop of a shopfitter father, whose artistic inclination and ‘moenie-met-my-fok-nie’ attitude left an indelible mark on the artist. Through the lens of memory, we witness the creative escapades fuelled by wood glue and printer paper, constructing narratives in the open veld behind newly developing suburban houses. The narrative evolves, echoing the influence of Dad’s shopfitting on Nel’s discovery of fashion, mannequins, and the dream of becoming a window dresser. “Son of a Shopfitter” becomes a testament to Nel’s navigation of identity, with a spotlight on his experiences as a gay Afrikaner son. As we delve into the thematic threads of Nel’s work, the concept of ‘display’ emerges, from childhood murals to intricate paintings like “Cacophony” and “Memoriam.” The exhibition gracefully guides us through the interplay of nostalgia, loss, and the artist’s attempt to find closure. Nel’s journey takes a poignant turn with the exploration of his father’s art, a reconciliation with the past, and an attempt to step into the shoes of the man he lost to suicide. The narrative unfolds with rich symbolism, exploring masculinity, identity, and the legacy of an artistic lineage. The exhibition continues to unravel through the vibrant canvases of Nel’s alter ego, Donatella Visagie, a character born from the artist’s fascination with costume and drag. Through performances like Matita Magica, Nel bridges the worlds of art and everyday life, blurring the lines between reality and performance. As we navigate through Nel’s compelling visual language, “Son of a Shopfitter” emerges as a profound exploration of the self, intertwined with family, identity, and the relentless pursuit of artistic expression. Join us in this immersive experience, where each stroke of the brush becomes a whisper of Nel’s unique journey – a journey that transcends the canvas and speaks directly to the heart.
Innibos Feesdigter Johan Myburg Johan Myburg is op 17 Julie 1957 in Pietersburg (vandag Polokwane) in Limpopo gebore. Johan bring sy studentejare deur op Potchefstroom, waar hy in die teologie studeer het. In 2000 het hy ‘n doktorsgraad aan Unisa behaal. Sy eerste digbundel, Vlugskrif, is in 1984 deur Perskor gepubliseer. Dit het Johan ’n tien jaar geneem voordat sy tweede digbundel, Kontrafak, in 1994 by Human & Rousseau uitgegee is. Met hierdie bundel het hy die resensente aan die praat gesit en ook die Eugène Marais-prys van die Suid-Afrikaanse Akademie vir Wetenskap en Kuns in 1995 verower. “Ek sien letterkunde as deel van die kunste. Die visuele kunste, musiek, verse, drama, ballet, dans, noem maar op, dit is alles een groot manier van uiting. In 2008, ná veertien jaar van digterlike stilte, word Johan se derde bundel, Kamermusiek, by LAPA Uitgewers gepubliseer. As daar na die titels van sy bundels en gedigte gekyk word, is dit duidelik dat musiek ’n groot rol in Johan Myburg se lewe en digkuns speel. “Daar is in woorde ’n ongelooflike musikaliteit. En musiek is vir my belangrik,” vertel Johan. In 2017 verskyn Johan Myburg se vierde digbundel Uittogboek wat met groot genot op grond van klank- en woordspel en die betowering van beelde geniet word. Volgens Joan Hambidge is Uittogboek ’n komplekse bundel wat handel oor die geskiedenis, ver en naby, en die programgedig is ’n herdigting van die bekende sterfgedig van die Romeinse keiser Hadrianus. Nie net is Uittogboek in 2018 die wenner van die ATKV-Woordveertjie vir poësie nie, maar in 2020 vrower Johan ook die Hertzogprys vir poësie. Sy jongste bundel, Narreskip, verskyn in 2022 by Protea Boekhuis. Johan sê: “Woorde moet ’n mens steeds versigtig kies, maar ek dink luister raak ’n groter noodsaaklikheid. My geslag veral, neem aan ons weet. Ek dink ons moet minder dawer en meer luister. Johan het spesiaal vir Innibos ʼn gedig rondom die tema Feesmaal geskryf. Hierdie gedig gaan in musiek, dans en visuele kuns uitgebeeld word tydens die vereringsgeleentheid wat op 26 Junie 2024 om 18:00 by die ATKV Kuns- en Boeke-oase plaasvind. Jaco van Schalkwyk is die kunstenaar wat die gedig visueel gaan uitbeeld, terwyl Franco Prinsloo die komponis gaan wees wat die gedig gaan toonset. Die gedig gaan deur Émil Haarhof in dans uitbeeld word terwyl Anna Davel dit voorlees en ULTRACoustic Duo (Wilken Calitz en Dirkie van Staden) die musiek maak. Hierdie pragtige gedig gaan saam met die kunswerk by die ATKV-Kuns- en Boeke-oase uitgebeeld word. Hier is die gedig wat hy spesiaal vir Innibos geskryf het: Feesmaal 1 Vooraf Maande lank word die palet betrag, op die tong gerol, besnuif, oorweeg, vir balans bevoel, vir soet en suur, vir bitter ook, souterigheid én umami. Ná maande kom “pikant” wat draal, en “murgsag”, “beleë” en “fors” tot stand – ná kuur en preserveer, ná ryp laat word en milddadig marineer. 2 Heildronk I Dat helder water dalk eufories skop betwis ons nie, die soort wat vloei in soet riviere. Nietemin lig ons ʼn glas, besing die meesters van die edel dop – dis dié wat immer waag, wat innoveer en fyn versny, ons bowenal bly voed, 3 Wenresep Kry die beste produkte – seisoenaal bly koning – ken jou gerei, die nukke van jou stoof en meer nog die giere van jou eters. Berei met flair, dog onopgesmuk, nonsensvry, geregte wat jy toeoog weet gaan deug terwyl jy oopoog vir die toorkrag van die oomblik bly. 4 Feesmaal Die harde grond is skoongevee met besembos wat spoortjies laat en dwarsweg dalk ʼn sleepsel los in losser sand, paradyslik. Onder jakkalsbessies val spatsels son vir dramatiese effek, ʼn klein plek in die bos met ʼn ruim hart waar ʼn menigte in kan pas rondom tafels, uitgedra, ʼn lang verhoog met tafeldoekdamask daaroor vir rekwisiete, ʼn vloer vir bosgeeste en vir waterspriete, vlug soos vrugtevlermuise. En gaan die ligte later aan, vuurvliegies en die maan, die Melkweg ʼn boog bo-oor bome, verskyn een na die ander sterre skitterend aan tafel, begin die fantasie. 5 Heildronk II Op alle bereiders van dié banket – vlugtige skadu, kortstondige droom – van magiërs wat flink fiksie versin tot minstrele wat ons sinne voer, en skrywers, metafories met ink aan die vingers, bedinkers van mise-en-scène, choreograwe, regisseurs en les bes donateurs. ʼn Glas op kunste in die bos! Verwerk vanaf www.litnet.co.za.
Innibos Feesdigter Johan Myburg Read More »
16 Jaar gelukkig getroud! Ons Valentynsdag- wenners het mekaar al in 2007 by Innibos ontmoet. In 2007, Smokie was the main performer at Innibos. I visited Innibos every day during the week. On Saturday, my folks came from Phalaborwa, and my mom had a sprained ankle, so she was wheelchair-bound. Time caught up with us, and there was almost no space on the main field to watch the show. We made our way around to the back of the stage and found a very uncomfortable seat against the slopes behind the main stage. There we met up with a lady that I worked with and her friend’s family from Gauteng. Believe it or not, with them was my now-wife and mother to my two sons. We started with awkward greetings that soon turned into casual chatting. That didn’t last long. We continued talking throughout the whole Smokie performance. The police, mounted on horseback, had to repeatedly ask us to focus on the show. It was time to leave. I pushed my mom in the wheelchair one way, and my now-wife went the other way. A second chance came at the gate where we waited for the car, and there she was again. Stupid old me didn’t even ask for her number. We parted ways. Got home and started begging my colleague and her friends for the number. Mixit was the in-thing at the time. Shared a goodnight message and went off to sleep. The next morning, and a few cups of encouragement later, I made the call. When asked what she was planning, she said she would be having coffee with me. Now, from here on, it’s history. We got married the next March. This will be 16 years this year that we are married now.
Na ʼn afwesigheid van 4 jaar is die boeke-crawl weer terug op die Innibos spyskaart. Hierdie produksie was een van Innibos se wenresepte en die kaartjies daarvoor was elke jaar héél eerste uitverkoop. Met woorde, sinne, verse, verhale en musiek is die ATKV Boeke-crawl ʼn unieke en eiesoortige woordreis. Die ATKV Boeke-crawl is ʼn moet vir elke feesganger wat glo in die krag van die woord, hetsy ʼn greep uit ʼn roman deur ʼn topskrywer, ʼn kortverhaal wat jou laat regop sit, of ʼn trefseker gedig. Voeg daarby musiek en die tafel is gedek vir kos vir die siel. Feesgangers kry ʼn doppie-koppie met ʼn knertsie Van Loveren Muskadel en ʼn serp om die ergste koue van die mistieke dorpie, Kaapsehoop, te besweer. Daar is drie aandoenplekke waar daar rondom boeke, woorde en wysies gekuier gaan word. Die eerste aandoenplek is Bohemian Groove Café waar daar rondom die letterkunde van die liefde gekuier gaan word. Hier gaan akteur Johny Klein en sanger Refentse wys hoe vloei woord en lied ineen in ʼn vlegsel van letter en klank. Alles rondom die emosies wat liefde ontlok. Werke van verskeie skrywers gaan naatloos verweef word tot pure lekkerkry. Die tweede aandoenplek is die Kapel by Silver Mist Country Inn. Hier gaan die groot gees van Afrikaans letterkunde Etienne van Heerden gesels oor sy magiese roman Gebeente en ook fragmente daaruit voorlees. Die regte atmosfeer gaan met kitaar en viool geskep word deur Dirkie van Staden en Johan Scheppel. Dan stap die feesgangers na Nagkantoor se OppiToneel waar feesgangers getrakteer gaan word met lekkerte uit die oeuvre van Koos Kombuis. Uit hierdie kulturele ikoon se pen het ʼn outobiografie, roman, riller, talle rubrieke, kortverhale, gedigte en liedjies gevloei. Die bekende aktrise, Jana Cilliers, gaan van sy treffende werke voorlees, terwyl Koos self sy liedjies gaan sing. Hongerpyne word afgeweer deur ligte verversings by die aandoenplekke. Laataand keer die busse weer terug na Mbombela. Die ATKV Boeke-crawl is die plek waar die krag van die woord gevier word. Dit vind plaas op Donderdag, 27 Junie 2024. Die eerste bus vertrek 15:00 en die tweede 17:00. Kaartjies kos R350.
ATKV Boeke-Crawl 2024 Read More »
