ATKV- Storiekrôl

Daar is ‘n hele storiedorp om te ontdek by Woelwaters wat gaan sorg vir die grootste boeke-pret ooit. Die kleingoed gaan saam met Feetjie Fuchia na drie storiehuise krôl om na verskillende lekker-voorlees-stories te luister. Elke aandoenplek word in ‘n fantasiewêreld omskep om by die spesifieke boek te pas en sal die kinders se verbeelding aangryp. Daar is min dinge wat betower soos ‘n regte egte storie. Boeke maak slim , en slim ouers weet dit. Daar gaan ook klein bederfies wees wat die kleinspan in hulle goeters-sakkie kan plaas. Die Storiekrôl word deur die ATKV geborg en beloof ʼn besondere ervaring vir die kleinspan te wees.