Toneel

Vlerksleep KOMEDIE Met Bertha le Roux-Wahl, David James, Elma Potgieter, Richard van der Westhuizen Ons almal was seker al op ’n toe-oog afspraak en weet presies hoe aaklig dit kan wees. TVrealiteitsreekse dwing bekendes om in der waarheid op blinde afsprake te gaan en dis dit dan vir die wêreld op as “vermaak”. Peter Quilter vat raak met Vlerksleep, want hy het daarin geslaag om ’n moeilike onderwerp baie komies aan te bied. Dit is vars en skreeusnaaks en ons almal kan op ’n manier daarmee identifiseer, want ’n toe-oog-afspraak is 99% van die tyd nie baie geslaagd nie. Quilter verstaan die dilemma en met sy komiese skryftalent skep hy ’n skreeusnaakse komedie wat vir baie lekker lag in die teater gaan sorg. In Afrikaans vertaal deur Frans Swart. Produksie Inligting Skrywer: Peter Quilter, vertaal deur Frans Swart Regie: Frans Swart Gradering: Geen Gesin Venue: Nelspruit Hoërskool Ouditorium Tydsduur: 98 min Prys: R195 Koop Kaartjies Koop Kaartjies

Marion Monroe KOMEDIE Met Marion Holm “What’s in a name? That which we call a rose by any other name would smell just as sweet.” Aldus Shakespeare. So is Marion Holm steeds Marion Holm al noem mense haar Nicole Holm? Bly Marion ’n vrou al noem mense haar meneer? Wat maak Marion Marion? Wat maak jou jy? Kom kry die antwoorde in hierdie raak-tref-produksie. Holm vertel weer stories met haar tipiese Holm-eerlikheid en -heerlikheid om haar punt oor te dra. WAARSKUWING: Dit is nie ’n tragedie nie, net ’n komedie! Produksie Inligting Teks: Marion Holm en Chris Vorster Regie: Chris Vorster Gradering: Geen O/12 Venue: Nelspruit Hoërskool Ouditorium Tydsduur: 75 min Prys: R195 Koop Kaartjies Koop Kaartjies

Moord met ’n T KOMEDIE Met Tobie Cronje, Ignatius van Heerden, Andre Lotter Die popmooi winkelassistent, Leksie Pieterse se stinkryk vroetelpappie, Bakkies Barnard, sterf in haar bed. Bakkies het nog skaars sy laaste asem uitgeblaas of sy jaloerse vrou, Cruella, is byderhand. Die feite dui op ’n liefdesdriehoek en dis altyd ’n resep vir moord, want Cruella is net oor haar erfporsie begaan. Die ondersoekbeampte, speurder-sersant Wihan Beyleveld, stel vas dat Bakkies vergiftig is. Hy volg die spoor na die lykshuis waar hy met die vreemde opsigter, Klaas van der Broeken, te doen kry en waar daar nuwe vrae ontstaan. Is Bakkies regtig dood en as hy nie is nie, wie is die spook wat op ’n haar na hom lyk, en wie se lyk is in die lykshuis? Maar dis nie al nie: waar pas PJ die privaatspeurder in? En hoe het die gif in Bakkies se lyf gekom? ’n Lekker-lag-komedie wat jou sal laat snak na jou asem. Produksie Inligting Teks: Braam van der Vyver Regie: Lihan Pretorius Gradering: Geen O/13 Venue: Nelspruit Hoërskool Ouditorium Tydsduur: 70 min Prys: R195 Koop Kaartjies Koop Kaartjies

Ouma is op pad KOMEDIE Met Margit Meyer-Rödenbeck en Conraad Rall ’n Gehoorlid skryf op 16 Aug: “Margit Meyer-Rödenbeck neem jou op ’n super humoristiese en verfrissende wyse op reis deur ’n veranderende wêreld! Jy huil soos jy lag terwyl ernstige waarhede jou lag-lag tref. UITSTEKEND!” Dowwe Dolla se Ouma het eintlik saam met Dolla afgetree einde 2021. Maar nou wil almal weet wie was daai tannie wat so aanstoot kon gee? En toe besluit Ouma sy het NOG ’n paar dinge om kwyt te raak. Ouma kom van Garies en soos meeste mense van daardie wêreld is sy ʼn formidabele vrou. In die Knersvlakte word jy nie groot met luukshede soos doekies omdraai nie. Sy het al twee mans begrawe, maar haar bure vermoed die laaste een het net ingesluimer. Met die dat haar kleindogter nou in die stad werk, en sy nou en dan moet gaan kuier, kom Ouma agter daar is baie dinge wat sy nie ken nie. En “takt” is een van hulle. Produksie Inligting Teks: Jurgen Human Regie: Jurgen Human Gradering: Geen O/14 Venue: Nelspruit Hoërskool Ouditorium Tydsduur: 80 min Prys: R205 Koop Kaartjies Koop Kaartjies

Geagte Kampeerders KOMEDIE Met Wynand van Vollenstee en Thiart Li “Geagte Kampeerders, as jy moeg word vir die lewe in die stad, vat net die Willewaterspad – die bo-gemiddelde, sagte grondpad. Met ekstra groot staanplekke, welige wilgerbome en kabbelende waters. Hengelaars se paradys, behulpsame staf, ekstra-breedte supertube en mensgemaakte warmwaterbronne, met ’n uitputtende dagprogram vir oud en jonk …” Dit was wat geadverteer was, maar as iets te goed klink om waar te wees … In hierdie splinternuwe komedie is Wynand van Vollenstee te sien as Oom Frik, opsigter, eienaar en bestuurder van die Willewaters Kampeerterrein. Elke Desember staan hy slaggereed om die groot gros Transvalers te ontvang. Maar wanneer groot tragedie die kampterrein tref en mense forseer word om moeder natuur, afblaasmatrasse, neus-in-die-lug bure, ongeskikte kinders, iemand se rondloper-hond en die snobistiese chalet-bewoners te trotseer, is die gort behoorlik gaar. Kom lag lekker saam in hierdie histeriese komedie en beleef al die tipiese kamp-karakters wat altyd hul verskyning by enige kampterrein maak. Produksie Inligting Teks en regie: Wynand van Vollenstee Gradering: Geen O/14 Venue: Nelspruit Hoërskool Ouditorium Tydsduur: 70 min Prys: R195 Koop Kaartjies Koop Kaartjies

Seun DRAMA Met Wilhelm van der Walt Vir baie mans was die 1980’s ’n dekade soos al die ander – die van braaivleis, rugby, sonskyn en Chevrolet. Vir hulle was die lewe goed. Vir baie ander was die 1980’s ’n bitter moeilike en gevaarlike tydperk: ’n tyd van ontreddering. ’n Tyd wat vrae gewek het. In hierdie toneelstuk word Dana Snyman se ervaringe van die 1980’s uitgebeeld. Dit is die tyd van PW Botha se vinger, van die Voëlvry-toer, AWB-saamtrekke, onderhandelinge en die laaste dae van diensplig. Dana word oneervol ontslaan uit die weermag, maar eers maak hy ’n draai in Saal 24. Werkloos en doelloos eindig hy in ’n gewese bediendekamer in Pretoria. Dié rou, selfonthullende memoires vra: hoe word ’n seun ’n man? ’n Seun wat nie ’n meisie se aandag kan trek nie? ‘n Seun wat nie goed genoeg is vir die weermag nie? Hierdie is die aangrypende verhaal oor grootword tydens die doodsnikke van ’n politieke era, oor manlikheid en oor selfaanvaarding en oor hoe die liefde uiteindelik alles oorkom. Produksie Inligting Skrywer: Dana Snyman Verwerking: Johann Smith Regie: Nico Scheepers Vervaardiger: Leftfoot Theatre Productions Gradering: Gesin Venue: Mbombela Stadsteater / Civic Theatre Tydsduur: 85 min Prys: R195 ’n Innibos-produksie ondersteun deur NATi, vervaardig deur Leftfoot Theatre Productions. Koop Kaartjies Koop Kaartjies Koop Kaartjies

Kry vir jou ’n tux, Thomas KOMEDIE Met Dean-John Smith en Marion Holm Tessa Slabbert is nie onder ’n kalkoen uitgebroei nie. Sy wéét vanaand se funksie, en die belaglike “Toekenning vir Lewenslange Bydrae” wat sy kry, is haar smokgevreet van ʼn eksman se manier om subtiel te sê haar tyd is verby. Sý is Le Poulpe (Die Seekat) Cosmetics! Tessa gaan nie opdaag nie. Dit sal hom en sy kredietkaartkoket leer om nie met Tessa te mors nie. Stotterende Thomas het sy hande vol om Tessa te oortuig om tog maar te gaan – asof dit die belangrikste taak van sy lewe is … Wanneer sy uiteindelik, op een voorwaarde, instem, kan hy nie anders as om te doen wat sy vra nie. Daar is baie op die spel. ‘n Stuk oor seekatte, wat ons doen om okay te wees en wat dit alles met Noddy te doen het. Marion Holm en Dean John Smith speel die verhoog vuurwarm in hierdie nuwe komedie uit die pen van Retief Scholtz. Daar is baie om oor te lag, maar, vir balans, nes dit maar altyd in die lewe is, is daar ook heelwat om oor te huil. Maak vas jou sitplekgordel: Tessa en Thomas het dinge om te sê. Hierdie produksie is lig en snaaks; mooi en hartseer. ʼn Besliste moet-sien op die Innibosspyskaart. Produksie Inligting Teks en regie: Retief Scholtz Vervaardiger: The Artist Warehouse Gradering: Geen O/13 Venue: Mbombela Stadsteater / Civic Theatre Tydsduur: 75 min Prys: R195 ʼn Innibos- en Vrystaat Kunstefees ko-produksie ondersteun deur NATi, vervaardig deur The Artist Warehouse. Koop Kaartjies Koop Kaartjies Koop Kaartjies

Speelgoed van Glas DRAMA Met Anna-Mart van der Merwe, Carla Smith, Ben Albertyn, Mark Elderkin ’n Nuwe vertaling en verwerking van Tennessee Williams se tydlose meesterstuk The Glass Menagerie. Hierdie drama ontknoop die fyn web van liefde en verlies, gespin deur ’n matriarg om haar gesin tot elke prys bymekaar te hou – en hoe graag elkeen van hulle wil ontsnap. Speelgoed van glas is ’n boeiende, hartroerende uitmekaarskeurverhaal, ’n meesleurende verkenning van broosheid, verlange en die feilbaarheid van familie. Bekroon met die Woordtrofee as beste toneelstuk, beste regie, beste vroulike byspeler (Smith) en beste manlike byspeler (Elderkin) by die Toyota Stellenbosch Woordfees 2024. Uitverkoop by Woordfees en KKNK. ’n Moet-sien-produksie! Produksie Inligting Teks: Tennessee Williams Vertaler, regie en ontwerp: Nico Scheepers Verhoogbestuur: Nell van der Merwe Gradering: Geen O/14 Venue: Mbombela Stadsteater / Civic Theatre Tydsduur: 110 min Prys: R195 ’n Toyota Stellenbosch Woordfees-produksie, ondersteun deur NATi en die Baxter-teater Koop Kaartjies Koop Kaartjies Koop Kaartjies