Trou

Trou

Musiekteater - Komedie

Met Mel die Storieverteller en Corlea Botha

Komediant Mel die Storieverteller en sangeres Corlea Botha smelt hul talente saam om ’n onvergeetlike vertoning vol sang en stories te bring. Jy hoef nie ’n ring aan die vinger te hê om te kan gesels oor troues nie. Ons almal was al by een, of dit nou zef, styf, kitsch of rêrig rof was – troues is die broeiplek vir tradisies, nuwe liefdes en familielede se grootse skandes. Dis natuurlik die geleentheid waar ons sien of geld styl kan koop of nie. Mel deel humoristiese staaltjies vanuit haar eie trou- en wittebroodalbum en Corlea sing ’n paar bruilof-gunstelinge.

Moet asseblief net nie ’n Tant Koek se Hoenderhaan verwag nie. Verwag wel ’n paar verrassings en ’n lekker interaksie tussen die twee vroue met sterk opinies oor gastelyste, dekor en spanks.

Produksie Inligting

Musiekregie: Corlea Botha

Gradering: Gesin

Venue: Seunskoshuissaal Nelspruit Hoërskool

Tydsduur: 70 min

Prys: R195

Similar Posts

  • Skilder en Wyn

    Skilder en Wyn Met Hannelie Swart en Ana van Achterbergh. Maak jou eie skildery terwyl jy heerlik fees hou by Innibos. Jou gasvrou is Hannelie Swart, ’n kunstenaar in eie reg met ’n meestersgraad in visuele kunste. Sy is ook bekend vir haar kunsterapie-sessies en ’n kenner op dié gebied, waar die onderbewuste ontdek word…

  • Opera – Tango

    Opera – Tango Klassiek / Opera Met Zanne Stapelberg (sopraan), Albie van Schalkwyk (klavier) en die Nocoré Ensemble. Die produksie word ingelei deur die klokhelder stemme van die Nocoré Ensemble, waarna die uitvoering voortgesit word deur twee van Suid-Afrika se mees gevierde kunstenaars, Zanne Stapelberg en Albie van Schalkwyk. Opera-Tango is ’n elegante vermenging van…

  • |

    kykNET Country

    kykNET Country Maak seker jy kom gestewel en gespoor op Saterdag, 5 Julie 2025 na die feesterrein, want Innibos het vanjaar vir die eerste keer ʼn kykNET Country Konsert. Hierdie hie-ha lekkerte vind plaas op die kykNET-verhoog en begin om 16:00. Kom skoffel saam met Country sangers soos Cordelia, Skemer, Franja du Plessis, Ruan Josh…