Die Van der Walt niggies is elkeen vasgevang in hul eie uitdagings na onlangse gebeure … Lenore worstel met verlies en haar beproewinge oor die afgelope tyd het haar vrese oor verlating verder verdiep. Bella, wat jonk al wees gelaat is, begeer ’n familie van haar eie en jaag die ideaal van ’n familie na, maar miskien is daar tog ’n kring liefde vir haar bedoel al lyk dit anders as haar verwagtinge. Tarien se fokus is só onwrikbaar gevestig op haar geestelike toewyding dat sy nie besef haar sendelingbestaan het ’n selfopgelegde prys geëis nie. Miskien lê die antwoorde op haar grootwordplaas …