Kaapsehoopse skrywer Alita Steenkamp se eerste Jeugverhaal Deur die vuur onderstreep haar veelsydigheid om uiteenlopende onderwerpe boeiend aan te bied. Skrywer van biografieë van onder andere Hestrie Cloete, Wynie Strydom, Mathys Roets en Stefaans Coetzee, is sy ook ‘n gesoute vryskytjoernalis wat al in talle tydskrifte gepubliseer het. Sy het verklap dat kinderrympies deesdae haar ink laat kook nadat iemand haar daarop gewys het hoe min sinvolle kinderryme met ‘n meer moderne aanslag daar is.
